ദോഹ: മാധ്യമ പ്രവർത്തനം, പ്രസിദ്ധീകരണങ്ങൾ, പരസ്യങ്ങൾ തുടങ്ങിയ മേഖലയെ നിയന്ത്രിക്കുന്ന പുതിയ നിയമം നടപ്പിലാക്കാനൊരുങ്ങി ഖത്തർ. കഴിഞ്ഞ ദിവസം ചേർന്ന ഖത്തർ മന്ത്രിസഭാ ഇതുമായി ബന്ധപ്പെട്ട കരട് നിയമത്തിന് അംഗീകാരം നൽകി.

പരസ്യം ചെയ്യൽ, പബ്ലിക് റിലേഷൻസ്, കലാസൃഷ്‌ടികൾ, കലാപ പ്രവർത്തനങ്ങൾ തുടങ്ങിയവ നിയന്ത്രിക്കുന്ന കരട് നിയമത്തിനാണ് മന്ത്രിസഭ അംഗീകാരം നൽകിയിട്ടുള്ളത്. സിനിമ, തിയറ്ററുകൾ, എക്സിബിഷൻ ഹൗസുകൾ തുടങ്ങിയവവും ഈ നിയമത്തിന്റെ കീഴിൽ വരും. ഖത്തർ സാംസ്‌കാരിക മന്ത്രാലയമാണ് പുതുക്കിയ നിയമത്തിന്റെ കരട് മന്ത്രി സഭയിൽ സമർപ്പിച്ചത്.

മന്ത്രലയം കരട് നിയമം ചർച്ച ചെയ്യുകയും അംഗീകാരം നൽകുകയുമായിരുന്നു. എന്നാൽ നിയമത്തിൻ്റെ കൂടുതൽ വിശദാംശങ്ങൾ ലഭ്യമല്ല. ഇന്നലെ അമീരി ദിവാനിയിൽ ഖത്തർ പ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിൻ അബ്‌ദുൽറഹ്‌മാൻ ബിൻ ജാസിം അൽതാനിയുടെ അധ്യക്ഷതയിൽ ചേർന്ന മന്ത്രിസഭയുടെ വരാന്ത യോഗത്തിലാണ് കരട് നിയമത്തിന് അംഗീകാരം നൽകിയത്. നീതിന്യായ മന്ത്രിയും കാബിനറ്റ് കാര്യ സഹമന്ത്രിയുമായ ഇബ്രാഹിം ബിൻ അലി അൽ മൊഹന്നദിയാണ് യോഗത്തിന് ശേഷം ഇക്കാര്യം അറിയിച്ചത്.

സാംസ്കാരിക മന്ത്രലയത്തിൻ്റെ അനുമതിയോടെയാണ് ഖത്തറിൽ മാധ്യമസ്‌ഥാപങ്ങൾ, കലാപരിപാടികൾ, വിവിധ പ്രദർശങ്ങൾ, പ്രസിദ്ധീകരങ്ങൾ തുടങ്ങിയ പ്രവർത്തിക്കുന്നത്. രാജ്യത്ത് നടക്കുന്ന ഇത്തരം ഏതു പ്രവർത്തികൾക്കും മന്ത്രലത്തിൻ്റെ മുൻകൂട്ടിയുള്ള അംഗീകാരം ഉണ്ടായിരിക്കണം. രാജ്യത്ത് പ്രദർശനത്തിനായി എത്തുന്ന സിനിമകളും, നാടകങ്ങളും വിതരണത്തിനായി എത്തുന്ന പുസ്‌തകങ്ങൾ മറ്റ് പ്രസദ്ധീകരങ്ങൾ തുടങ്ങിയവ മന്ത്രലയത്തിന് കീഴിലുള്ള ഇതുമായി ബന്ധപ്പെട്ട വകുപ്പിൽ നിന്നും അനുമതി വാങ്ങിയിരിക്കണം.

Qatar Cabinet approves new law to regulate media activities