ചടയമംഗലം: സംസ്ഥാന സര്‍ക്കാര്‍ മണ്ണുപര്യവേക്ഷണ സംരക്ഷണ വകുപ്പിന്റെ ചടയമംഗലം നീര്‍ത്തടപരിപാലന കേന്ദ്രത്തില്‍ ആരംഭിക്കുന്ന വിവിധ കോഴ്‌സുകളിലേക്ക് അപേക്ഷ ക്ഷണിച്ചു.
ഇന്ദിരാഗാന്ധി നാഷണല്‍ ഓപ്പണ്‍യൂണിവേഴ്‌സിറ്റിയുടെ വാട്ടര്‍ ഹാര്‍വെസ്റ്റിംഗ് ആന്‍ഡ് മാനേജ്‌മെന്റിലുളള ആറുമാസ സര്‍ട്ടിഫിക്കറ്റ് കോഴ്‌സ്, വാട്ടര്‍ഷെഡ് മാനേജ്‌മെന്റിലുള്ള ഒരുവര്‍ഷ ഡിപ്‌ളോമ, പ്‌ളാന്റേഷന്‍ മാനേജ്‌മെന്റിലുള്ള ഒരു വര്‍ഷ പോസ്റ്റ് ഗ്രാജ്വേറ്റ് ഡിപ്‌ളോമ എന്നീവിദൂര പഠന കോഴ്‌സുകളിലേക്കാണ് അപേക്ഷകള്‍ ക്ഷണിച്ചത്.
പത്താം ക്ലാസ് അല്ലെങ്കില്‍ ബി.പി.പി കോഴ്‌സ് പാസായവര്‍ക്ക് വാട്ടര്‍ഹാര്‍വെസ്റ്റിംഗ് ആന്‍ഡ് മാനേജ്‌മെന്റിലുളള കോഴ്‌സിന് അപേക്ഷിക്കം. കോഴ്‌സ് ഫീസ് 2000 രൂപ. ഡിപ്ലോമ കോഴ്‌സിന്റെ അടിസ്ഥാന യോഗ്യത പ്ലസ്ടു അഥവാ തത്തുല്യം അല്ലെങ്കില്‍ ബി.പി.പി കോഴ്‌സ് പാസായിരിക്കണം.
കോഴ്‌സ് ഫീസ് 10,000 രൂപ. ഏതെങ്കിലും വിഷയത്തിലുള്ള ബിരുദം അല്ലെങ്കില്‍ തത്തുല്യ യോഗ്യതയാണ് പോസ്റ്റ് ഗ്രാജ്വേറ്റ് ഡിപ്ലോമ കോഴ്‌സിനുള്ള അടിസ്ഥാന യോഗ്യത. 5500 രൂപയാണ് കോഴ്‌സ് ഫീസ്. ദാരിദ്രരേഖയില്‍ താഴെയുള്ളവര്‍ക്കും, ഗ്രാമീണ മേഖലയില്‍ നിന്നുള്ളവര്‍ക്കും യഥാക്രമം ബിപിഎല്‍ സര്‍ട്ടിഫിക്കറ്റ്, നേറ്റിവിറ്റി സര്‍ട്ടിഫിക്കറ്റ് എന്നിവ ഹാജരാക്കുന്നതിന്റെ അടിസ്ഥാനത്തില്‍ കോഴ്‌സ് ഫീയുടെ 50 ശതമാനം ഇളവ് ലഭിക്കും.
ആറുമാസ സര്‍ട്ടിഫിക്കറ്റ് കോഴ്‌സിന് ഫൈനില്ലാതെ 15 വരേയും 300 രൂപ ഫൈനോടുകൂടി 30 വരെയും ഡിപ്ലോമ, പോസ്റ്റ് ഗ്രാജ്വേറ്റ് ഡിപ്ലോമ കോഴ്‌സുകള്‍ക്കുള്ള ഫീസ് ഫൈനില്ലാതെ ഓഗസ്റ്റ് 17വരേയും 300 രൂപ ഫൈനോടുകൂടി ഓഗസ്റ്റ് 31 വരെയും അടയ്ക്കാം. അപേക്ഷ ഫോറവും പ്രോസ്‌പെക്ടസും 200 രൂപയ്ക്ക് ഇഗ്നോയുടെ തിരുവനന്തപുരം, കൊച്ചി, വടകര എന്നീ റീജിയണല്‍ സെന്ററുകളിലൂടെയും വിവിധ സ്റ്റഡി സെന്ററുകളിലൂടെയും ചടയമംഗലം നീര്‍ത്തട പരിപാലന കേന്ദ്രത്തിലൂടെയും ലഭിക്കും.
പൂരിപ്പിച്ച അപേക്ഷക്കൊപ്പം ഏതെങ്കിലും ദേശസാല്‍കൃത ബാങ്കില്‍ നിന്നും ഇഗ്നോ, തിരുവനന്തപുരം എന്ന പേരില്‍ മാറാവുന്ന ഡി.ഡിയും ഉള്‍പ്പെടുത്തി അവസാന തിയതിക്ക് മുമ്പായി ഇഗ്നോ റീജിയണല്‍ സെന്റര്‍, കരമന പി.ഒ, തിരുവനന്തപുരം എന്ന മേല്‍വിലാസത്തില്‍ അയയ്ക്കണം. ംംം.ശഴിീൗ.മര.ശി എന്ന വെബ്‌സൈറ്റിലൂടെ ഓണ്‍ലൈനായും അപേക്ഷകള്‍ സമര്‍പ്പിക്കാം. കൂടുതല്‍ വിവരങ്ങള്‍ക്ക് ഫോണ്‍: 0474-2475051, 9447446632.