റിയാദ്: റിയാദ് മെട്രോ സ്റ്റേഷനുകളിൽ യാത്രക്കാരെ സഹായിക്കുന്നതിന് വിവിധ ഭാഷകൾ കൈകാര്യം ചെയ്യുന്ന ഗൈഡുകൾ. യാത്രക്കാരെ സ്വാഗതം ചെയ്യാനും വ്യത്യസ്ത ഭാഷകളിൽ സേവനം നൽകുന്നതിനും സഊദി ജീവനക്കാരാണ് ഗൈഡുകളായി സജ്ജരായിട്ടുള്ളത്. 

അറബി, ചൈനീസ്, ഇംഗ്ലീഷ്, ഫ്രഞ്ച്, ജർമൻ ഭാഷകൾ കൂടാതെ ആംഗ്യഭാഷയിലും മാർഗനിർദേശം നൽകാനും ആശയവിനിമയം നടത്താനും കഴിവുള്ളവരെയാണ് ഗൈഡുകളായി നിയമിച്ചിട്ടുള്ളത്. റിയാദ് സിറ്റി റോയൽ കമീഷനാണ് ഇവരെ നിയമിച്ചിട്ടുള്ളത്. ട്രെയിൻ യാത്രയുമായി ബന്ധപ്പെട്ട എല്ലാ സംശയങ്ങൾക്കും ഗൈഡുകൾ കൃത്യമായി ഉത്തരം നൽകും. സ്റ്റേഷന് സമീപമുള്ള പിക്നിക് പോയിന്റുകൾ, കോഫി ഷോപ്പുകൾ, ബസ് റൂട്ടുകൾ, തുടങ്ങിയ ആവശ്യ വിവരങ്ങൾ ഇവർ നൽകും. ഔദ്യോഗിക ഗ്രീൻ യൂനിഫോമിലാണ് ഇവരുണ്ടാവുക.

Riyadh Metro has introduced multilingual guides, including sign language, to assist passengers and provide a smoother travel experience for commuters in the Saudi Arabian capital.