തിരൂര്‍: തീരദേശമായ പറവണ്ണയില്‍ മോഷ്ടാക്കളുടെയും പൂവാലന്മാരുടെയും ശല്യം. പറവണ്ണയിലെ കടകളിലും പോസ്റ്റ് ഓഫിസിലും ഏതാനും ആഴ്ചകള്‍ക്ക് മുന്‍പ് മോഷണം നടന്നിരുന്നു. പ്രദേശത്തെ ഹോട്ടലില്‍ അഞ്ച് തവണയാണ് പല ഘട്ടങ്ങളിലായി മോഷണമുണ്ടായത്. ഇതിന് പുറമെയാണ് വിദ്യാര്‍ഥിനികളെ ബുദ്ധിമുട്ടിച്ച് പൂവാല ശല്യവും വ്യാപകമായിരിക്കുന്നത്.
കൂട്ടായി- താനൂര്‍ മേഖലകളില്‍ നിന്ന് ബൈക്കുകളിലെത്തുന്ന യുവാക്കളാണ് വിദ്യാര്‍ഥിനികളെ ശല്യം ചെയ്യുന്നത്. ഇക്കാര്യങ്ങള്‍ തിരൂര്‍ പൊലിസില്‍ അറിയിച്ചിട്ടും യാതൊരുവിധ നടപടിയുമുണ്ടായില്ലെന്ന് പ്രദേശവാസികള്‍ പറഞ്ഞു.പ്രദേശവാസിയായ മോഷ്ടാവ് പല തവണ കടയില്‍ കയറി മോഷണം നടത്തിയപ്പോള്‍ സംശയം തോന്നി ഉടമ തന്നെയാണ് ഇയാളെ പിടികൂടിയത്. തുടര്‍ന്ന് പൊലിസില്‍ അറിയിച്ചിട്ടും ഉദ്യോഗസ്ഥര്‍ ആരും തിരിഞ്ഞുനോക്കിയില്ലെന്നാണ് പരാതി.
മോഷ്ടാക്കളുടെയും പൂലാവന്‍മാരുടെയും ശല്യം പരിഹരിക്കാന്‍ പൊലിസ് ഇടപെടാത്ത സാഹചര്യത്തില്‍ നാട്ടുകാര്‍ സംഘടിച്ച് പ്രതിരോധം തീര്‍ത്തിരിക്കുകയാണ്.