കൊച്ചി: വൈറ്റിലയിൽ സിഗരറ്റ് നൽകാൻ വൈകിയതിനെച്ചൊല്ലിയുണ്ടായ തർക്കത്തിൽ കൂൾബാർ ജീവനക്കാർക്ക് ക്രൂരമർദനം. വൈറ്റില-തമ്മനം റോഡിലുള്ള കൂൾബാറിലാണ് ഞായറാഴ്ച ഉച്ചയ്ക്ക് ശേഷം നാടകീയ സംഭവങ്ങൾ അരങ്ങേറിയത്. സംഭവത്തിൽ, കാസർകോട് സ്വദേശിയായ നൗഫൽ (26), പാലക്കാട് സ്വദേശി റിൻഷാദ് (23) തുടങ്ങിയവർക്കാണ് പരുക്കേറ്റത്. 

ALSO READ: ഒ.പി സമയം കൂട്ടി സർക്കാർ; തീരുമാനത്തിനെതിരെ ശക്തമായി പ്രതിഷേധിക്കുമെന്ന് കെ.ജി.എം.ഒ.എ

കടയിൽ തിരക്കുള്ള സമയത്താണ് രണ്ട് യുവാക്കൾ സിഗരറ്റ് ആവശ്യപ്പെട്ട് എത്തിയത്. അപ്പോൾ, ജ്യൂസ് അടിച്ചു കൊണ്ടിരുന്ന റിൻഷാദ്, തരിക്കാണെന്നും, അല്പം താമസമുണ്ടെന്ന് മറുപടി നൽകി. ഇത് ഇഷ്ടപ്പെടാതിരുന്ന യുവാക്കൾ, തങ്ങൾ ഇവിടുത്തെ ലോക്കൽ ആളുകളാണെന്നും സിഗരറ്റ് ഇപ്പോൾ തന്നെ വേണമെന്നും പറഞ്ഞ് ബഹളമുണ്ടാക്കി. പിന്നീട്, അവിടെനിന്ന് പോയ യുവാക്കൾ കുറച്ചുകഴിഞ്ഞ് മറ്റൊരാളെയും കൂട്ടി തിരിച്ചെത്തുകയും കടയ്ക്കുള്ളിൽ കയറി ജീവനക്കാരെ ക്രൂരമായി മർദിക്കുകയുമായിരുന്നു.

ജീവനക്കാർ നൽകിയ പരാതിയുടെ അടിസ്ഥാനത്തിൽ കേസെടുത്ത കടവന്ത്ര പൊലിസ് അന്വേഷണം ആരംഭിച്ചിട്ടുണ്ട്. പ്രതികളെ തിരിച്ചറിയാനായി കടയിലെയും പരിസരത്തെയും സിസിടിവി (CCTV) ദൃശ്യങ്ങൾ പൊലിസ് പരിശോധിച്ചു വരികയാണ്.

Coolbar employees brutally beaten up in Vyttila over delayed cigarettes. The dramatic incident took place at Coolbar on Vyttila-Thammanam road on Sunday afternoon. The injured in the incident were Noufal (26), a native of Kasaragod, and Rinshad (23), a native of Palakkad.