മണ്ണാര്‍ക്കാട് : സമസ്ത കേരള മദ്‌റസ മാനേജ്‌മെന്റ് അസോസിയേഷന്‍ ഈ മാസം 25-ാം തിയ്യതി 9.30ന് കോട്ടോപ്പാടം സി.എച്ച്. ഓഡിറ്റോറിയത്തില്‍ നടത്തുന്ന മഹല്ല് മദ്‌റസ ഭാരവാഹികളുടെ സംഗമം വിജയിപ്പിക്കാന്‍ കോട്ടോപ്പാടം മദ്‌റസയില്‍ ചേര്‍ന്ന മണ്ണാര്‍ക്കാട് മേഖല റൈഞ്ച് ഭാരവാഹികളുടെ യോഗം തീരുമാനിച്ചു. സംഗമത്തില്‍ നമ്മുടെ മദ്‌റസകള്‍ എങ്ങിനെ മികവിന്റെ കേന്ദ്രങ്ങളാക്കാം എന്ന വിഷയത്തെ ആസ്പദമാക്കി എസ്.കെ.എം.എം.എ. ട്രെയ്‌നര്‍ കെ.പി. മുഹമ്മദ് മുസ്‌ലിയാര്‍ ഇരുമ്പുഴി ക്ലാസ്സെടുക്കും. സി.കെ.എം. സ്വാദിഖ് മുസ്‌ലിയാര്‍, സയ്യിദ് കെ.പി.സി. തങ്ങള്‍, ഇമ്പിച്ചിക്കോയ തങ്ങള്‍ കൊടക്കാട്, സി. മുഹമ്മദലി ഫൈസി, ഹബീബ് ഫൈസി കോട്ടോപ്പാടം, അഡ്വ. പി.കെ. അബ്ദുള്‍ നാസര്‍ കാളംപാറ, സംസം ബഷീര്‍, സാദാലിയാഖതലി ഖാന്‍ പങ്കെടുക്കും. പ്രസിഡന്റ് ഐ. മുഹമ്മദ് അധ്യക്ഷനായി. പാലക്കാട് ജംഇയ്യത്തുല്‍ മുഅല്ലിമീന്‍ ജനറല്‍ സെക്രട്ടറി സി. മുഹമ്മദലി ഫൈസി യോഗം ഉദ്ഘാടനം ചെയ്തു. കെ.കെ. മുഹമ്മദലി ഫൈസി പ്രാര്‍ഥന നടത്തി. മഹല്ല് പ്രസിഡന്റ് ടി.പി. ഉമ്മര്‍ മാസ്റ്റര്‍, പൊന്‍പാറ കോയക്കുട്ടി, നമ്പിയത്ത് മുഹമ്മദ് ഹാജി, ഉസ്മാന്‍ ഫൈസി, മുഹമ്മദലി ഫൈസി, അബൂബക്കര്‍ മാസ്റ്റര്‍ നാട്ടുകല്‍, സി.എച്ച്. കുഞ്ഞാണി ഹാജി, മൊയ്തുപ്പ, അബ്ദുസ്സലാം കരിമ്പനക്കല്‍, അയമുട്ടി ഹാജി, ആലായിന്‍ സൈനുദ്ദീന്‍, കെ.പി. മൊയ്തുട്ടി ഹാജി ചര്‍ച്ചയില്‍ പങ്കെടുത്തു. മേഖലാ സെക്രട്ടറി എന്‍. അഷ്‌റഫ് ഹാജി സ്വാഗതവും മേഖലാ ട്രഷറര്‍ അബൂബക്കര്‍ മാസ്റ്റര്‍ നാട്ടുകല്‍ നന്ദി പറഞ്ഞു.