പകര്‍ച്ചവ്യാധി പ്രതിരോധത്തിന് ജാഗ്രതോത്സവം

backup

April 22 2018 | 03:04 AM

%e0%b4%aa%e0%b4%95%e0%b4%b0%e0%b5%8d%e2%80%8d%e0%b4%9a%e0%b5%8d%e0%b4%9a%e0%b4%b5%e0%b5%8d%e0%b4%af%e0%b4%be%e0%b4%a7%e0%b4%bf-%e0%b4%aa%e0%b5%8d%e0%b4%b0%e0%b4%a4%e0%b4%bf%e0%b4%b0%e0%b5%8b-18

കല്‍പ്പറ്റ: ആരോഗ്യവകുപ്പുമായി സഹകരിച്ച് പ്രതിദിനം പ്രതിരോധം പരിപാടിയുടെ ഭാഗമായി ഹരിതകേരള മിഷന്‍ പകര്‍ച്ചവ്യാധി പ്രതിരോധത്തിന് കുട്ടികള്‍ക്കായി ജാഗ്രതോത്സവം എന്ന പേരില്‍ ക്യാംപ് നടത്തുന്നു.
എല്ലാ പഞ്ചായത്ത്, നഗരസഭാ വാര്‍ഡുകളിലെയും അഞ്ചുമുതല്‍ ഒന്‍പതുവരെ ക്ലാസുകളിലെ കുട്ടികളെ പങ്കെടുപ്പിച്ചാണ് ക്യാംപ്.
ഈ മാസം അവസാനത്തോടെ എല്ലാ വാര്‍ഡുകളിലും ക്യാംപ് നടത്താനാണ് പദ്ധതി.
ഇതിന്റെ ഭാഗമായി സംസ്ഥാന, ജില്ലാതലങ്ങളില്‍ റിസോഴ്‌സ് പേഴ്‌സണ്‍മാര്‍ക്കുള്ള പരിശീലനം പൂര്‍ത്തിയായി. ബ്ലോക്കുതല പരിശീലനം 23, 24 തിയതികളിലായി നടക്കും.
കല്‍പ്പറ്റ ബ്ലോക്കില്‍ കല്‍പ്പറ്റ ഗവ.യു.പി സ്‌കൂളിലും മാനന്തവാടിയില്‍ കെ. കരുണാകരന്‍ മെമ്മോറിയല്‍ ഹാളിലും പനമരം ബ്ലോക്കില്‍ പനമരം ജി.എല്‍.പി സ്‌കൂളിലും സുല്‍ത്താന്‍ ബത്തേരിയില്‍ ബ്ലോക്ക് പഞ്ചായത്ത് ഹാളിലുമാണ് പരിശീലനം.
ക്യാംപിന്റെ തുടര്‍പ്രവര്‍ത്തനങ്ങള്‍ കുടുംബശ്രീ ബാലസഭാ പ്രവര്‍ത്തകര്‍ ഏകോപിപ്പിക്കും. പദ്ധതി നടത്തിപ്പുമായി ബന്ധപ്പെട്ട് കലക്ടറേറ്റില്‍ ചേര്‍ന്ന യോഗത്തില്‍ ജില്ലാ പഞ്ചായത്ത് പ്രസിഡന്റ് ടി. ഉഷാകുമാരി അധ്യക്ഷയായി.ശുചിത്വമിഷന്‍ ജില്ലാ കോഡിനേറ്റര്‍ ജസ്റ്റിന്‍, ഹരിതകേരള മിഷന്‍ ടെക്‌നിക്കല്‍ ഓഫിസര്‍ പി. അജയകുമാര്‍, ജില്ലാ പ്ലാനിങ് ഓഫിസര്‍ ഏലിയാമ്മ നൈനാന്‍ പങ്കെടുത്തു. ഹരിതകേരളം മിഷന്‍ ജില്ലാ കോഡിനേറ്റര്‍ കെ.ബി സുധീര്‍ കിഷന്‍ സ്വാഗതവും ശുചിത്വമിഷന്‍ പ്രോഗ്രാം കോഡിനേറ്റര്‍ പി. അനൂപ് നന്ദിയും പറഞ്ഞു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."