ചെന്നൈ: കാരൈക്കുടി-ചെന്നൈ എഗ്മോര്‍ പല്ലവന്‍ എക്‌സ്പ്രസ് ട്രെയിനിന്റെ എന്‍ജിന്‍ പാളം തെറ്റി. ഇന്നലെ രാവിലെ 6.30നാണ് എന്‍ജിന്‍ പാളം തെറ്റിയതെന്നും അപകടത്തില്‍ ആര്‍ക്കും പരുക്കേറ്റിട്ടില്ലെന്നും ദക്ഷിണ റെയില്‍വേ അറിയിച്ചു.
എന്‍ജിന്റെ മുന്‍ഭാഗത്തെ ചക്രം പാളത്തില്‍ നിന്ന് തെന്നിമാറിയാണ് അപകടമുണ്ടായത്. സംഭവത്തെ തുടര്‍ന്ന് ട്രിച്ചി റെയില്‍വേ ഡിവിഷനിലെ ഉന്നത ഉദ്യോഗസ്ഥര്‍ സ്ഥലത്തെത്തി. തുടര്‍ന്ന് എന്‍ജിന്‍ പാളത്തിലേക്ക് കയറ്റി രാവിലെ 10ഓടെ സര്‍വിസ് പുനരാരംഭിച്ചതായി റെയില്‍വേ പത്രക്കുറിപ്പില്‍ അറിയിച്ചു. എന്‍ജിന്‍ പാളം തെറ്റിയത് മധുര-കാരൈക്കുടി റൂട്ടില്‍ അല്‍പനേരം ഗതാഗത തടസത്തിന് ഇടയാക്കി.