തിരുവനന്തപുരം: സമീപത്തെ മാര്‍ക്കറ്റ് ശുചീകരിച്ചപ്പോള്‍ നീക്കം ചെയ്ത മാലിന്യം കൗണ്‍സിലറും സംഘവും കൊണ്ടു തള്ളിയത് തൊട്ടടുത്ത സ്‌കൂളിനു മുന്നില്‍. മഴ പെയ്ത് ദുര്‍ഗന്ധം രൂക്ഷമായതോടെ വാര്‍ഡ് കൗണ്‍സിലറോട് പലരും പരാതിയുമായെത്തിയിട്ടും നടപടിയൊന്നുമുണ്ടായില്ല.
വട്ടിയൂര്‍ക്കാവ് മാര്‍ക്കറ്റ് ശുചീകരണത്തിന്റെ ഭാഗമായി നീക്കിയ മാലിന്യങ്ങളാണ് വട്ടിയൂര്‍ക്കാവ് ഗവ. ഹയര്‍സെക്കന്‍ഡറി സ്‌കൂളിനു മുന്‍വശം കൊണ്ടിട്ടിരിക്കുന്നത്. ദിവസങ്ങളായി മാലിന്യം ഇവിടെ കുന്നുകൂടി കിടക്കുകയാണ്. മഴ ശക്തമായതോടെ മാലിന്യം സ്‌കൂള്‍ പരിസരത്തേക്ക് ഒലിച്ചിറങ്ങി. വട്ടിയൂര്‍ക്കാവ് കൗണ്‍സിലറോട് സ്ഥലവാസികള്‍ പരാതിയുമായെത്തി ദിവസങ്ങള്‍ പിന്നിട്ടിട്ടും നടപടിയൊന്നുമുണ്ടായിട്ടില്ല.