ഷാര്‍ജ: ഖോര്‍ഫക്കാനിലെ അല്‍ ലുലുയാഹ് ബീച്ചില്‍ അര്‍ധരാത്രിക്ക് ശേഷം പരിശോധന ശക്തമാക്കാന്‍ പ്രത്യേക പരിശോധകരേയും സുരക്ഷ ഉദ്യോഗസ്ഥരെയും നിയമിക്കാന്‍ യു.എ.ഇ സുപ്രിം കൗണ്‍സില്‍ അംഗവും ഷാര്‍ജ ഭരണാധികാരിയുമായ ശൈഖ് ഡോ. സുല്‍ത്താന്‍ ബിന്‍ മുഹമ്മദ് അല്‍ ഖാസിമി  ഉത്തരവിറക്കി. വാരാന്ത്യ റേഡിയോ, ടെലിവിഷന്‍ പ്രോഗ്രാമായ ഡയറക്ട്‌ലൈനില്‍ ഉന്നയിക്കപ്പെട്ട ചോദ്യത്തിന് മറുപടിയായാണ് അദ്ദേഹം ഖോര്‍ഫക്കാന്‍ മുനിസിപ്പാലിറ്റിക്ക് നിര്‍ദേശം നല്‍കിയത്.

ബീച്ച് സന്ദര്‍ശകരുടെ സുരക്ഷ വര്‍ധിപ്പിക്കുകയും, നിയ മലംഘനങ്ങള്‍ തടയുകയുമാണ് ഉത്തരവിന്റെ ലക്ഷ്യം. സുല്‍ത്താന്റെ നിര്‍ദേശം അനുസരിച്ച് അടിയന്തര നടപടി സ്വീകരിച്ചതായി ഖോര്‍ഫക്കാന്‍ മുനിസിപ്പാലിറ്റി ഡയറക്ടര്‍ എന്‍ജീനിയര്‍ അബ്ദുല്‍ റഹ്മാന്‍ അല്‍ നഖ്ബി വ്യക്തമാക്കി. 

സന്ദര്‍ശകരുടെ സുരക്ഷ വര്‍ധിപ്പിക്കുന്നതിനായി പരിശോധനകളും പട്രോളിങ്ങും ശക്തിപ്പെടുത്തുന്നത് ഉള്‍പ്പെടെയുള്ള നടപടികള്‍ സ്വീകരിച്ചതായും അദ്ദേഹം അറിയിച്ചു. കൂടാതെ, ഷീസ് പാര്‍ക്കില്‍ കൂടുതല്‍ ശ്രദ്ധ പതിപ്പിക്കാനും പൊലിസ് സ്‌റ്റേഷന് സമീപം പുതിയ മുനി സിപ്പല്‍ ഓഫിസ് സ്ഥാപിക്കാനും സുല്‍ത്താന്‍ ഉത്തരവിട്ടതായി അദ്ദേഹം പറഞ്ഞു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Al Luluah Beach will implement enhanced security measures after midnight to ensure visitor safety. While specific details are unavailable, this move aims to maintain a secure environment for beachgoers.