തിരൂരങ്ങാടി: റോഡിന്റെ ശോചനീയാവസ്ഥ. ജനം ദുരിതത്തില്‍. തിരൂരങ്ങാടി നഗരസഭ ഡിവിഷന്‍ 20 കരുമ്പില്‍ - കൊടിമരം റോഡാണ് സഞ്ചാര യോഗ്യമല്ലാതായത്. നിരവധി കുടുംബങ്ങള്‍ താമസിക്കുന്ന പ്രദേശത്തേക്കുള്ള റോഡ് കാല്‍നട യാത്രക്കു പോലും സാധിക്കാത്ത രൂപത്തില്‍ തകര്‍ന്നിട്ടുണ്ട്. വൃദ്ധരും കുട്ടികളുമടക്കം ഏറെ പ്രയാസപ്പെട്ടാണ് യാത്ര ചെയ്യുന്നത്. വാഹന യാത്ര ദുഷ്‌ക്കരമാ അത്യാവശ്യഘട്ടത്തില്‍പോലും ഓട്ടോറിക്ഷകള്‍ വിളിച്ചാല്‍ വരുന്നില്ലെന്ന് പ്രദേശവാസികള്‍ പറഞ്ഞു. അധികൃതരുടെ ശ്രദ്ധയില്‍ പെടുത്തിയിരുന്നെങ്കിലും ബന്ധപ്പെട്ടവര്‍ റോഡ് പുനരുദ്ധാരണത്തോട് മുഖം തിരിക്കുകയാണെന്നും റോഡിനോടുള്ള അഗണന അവസാനിപ്പിച്ച് നവീകരിക്കാന്‍ ആവശ്യമായ നടപടി ഉടന്‍ സ്വീകരിക്കണമെന്നും ഡി.വൈ.എഫ്.ഐ കരുമ്പില്‍ യൂനിറ്റ് ആവശ്യപ്പെട്ടു.അസറുദ്ധീന്‍ അദ്ധ്യക്ഷനായി.ഇജാസ്, സജിന്‍ പി.നൗഷിര്‍ യു.കെ,ജിഷാര്‍ ഇ.കെ,മഹ്മൂദ് കെ.കെ,അജ്മല്‍ എം.പി,സുഹൈല്‍ പി.കെ മന്‍സുര്‍ പി.വി,ഷിഹാബ് പി.വി,ഫവാസില്‍ യു.കെ,മുസമ്മില്‍ കെ.കെ സംബന്ധിച്ചു.