തിരുവനന്തപുരം: വനിതാ മതില്‍ വര്‍ഗീയതക്കെതിരായ മതിലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. എന്‍ എസ് എസ് വനിതാ മതിലിനൊപ്പം നില്‍ക്കേണ്ടിയിരുന്നു എന്നും കോടിയേരി പ്രതികരിച്ചു.

ശബരിമലയിലെ ആചാരസംരക്ഷണവുമായി ബന്ധപ്പെട്ട് എന്‍.എസ്.എസ് സ്വീകരിച്ച നിലപാടിന്റെ ഭാഗമായാണ് അവര്‍ ഇതില്‍ നിന്നും വിട്ടുനില്‍ക്കുന്നത്. അവര്‍ക്ക് സ്വന്തമായി തീരുമാനമെടുക്കാനുള്ള സ്വാതന്ത്ര്യമുണ്ട്. സംഘടന കാര്യങ്ങള്‍ മനസിലാക്കി തെറ്റുതിരുത്തി മുന്നോട്ടുവരുമെന്ന പ്രതീക്ഷയിലാണെന്നും കോടിയേരി പറഞ്ഞു.