ചാവക്കാട്: ഖബര്‍ സ്ഥാനിലെ പുല്ലിന് തീപിടിച്ചത് പരിഭ്രാന്തിക്കിടയാക്കി. മണത്തല ജുമാ മസ്ജിദ് ഖബര്‍ സ്ഥാനില്‍ ഇന്നലെ രാവിലെ 11ഓടെയാണ് തീപടര്‍ന്നത്.
പള്ളിയുടെ പടിഞ്ഞാറ്, വടക്ക് എന്നീ രണ്ട് ഭാഗത്താണ് തീപിടിച്ചത്. ഖബര്‍ സ്ഥാനിലെ കാട്ടു പുല്ലിലാണ് തീപിടിച്ചത്. സമീപത്തെ മ്ദറസയോടെ ചേര്‍ന്ന വിവാഹ മണ്ഡപത്തില്‍ കല്യാണച്ചടങ്ങില്‍ പങ്കെടുത്തവരിലും പരിസരത്തെ വീട്ടുകാരിലും തീയും പുകയുമുയര്‍ന്നത് പരിഭ്രാന്തിക്കിടയാക്കി. ഗുരുവായൂരില്‍ നിന്ന് എത്തിയ അഗ്നിശമന സേന അസിസ്റ്റന്റ് സ്റ്റേഷന്‍ ഓഫിസര്‍ എം. ശ്രീകുമാറിന്റെ നേതൃത്വത്തില്‍ ടി. വിനുരാജ്, എസ്. അന്‍വര്‍ഷാ, എ.അനില്‍കുമാര്‍, കെ.എസ്. സുമേഷ് എന്നീ ഉദ്യോഗസ്ഥരും ഡ്രൈവര്‍ വി.എം. ആദര്‍ശ്, ഹോംഗാര്‍ഡ് പി.കെ. തങ്കപ്പന്‍ എന്നിവരും നാട്ടുകാരും ചേര്‍ന്നാണ് തീയണച്ചത്.