പാറശാല: മുത്തൂറ്റ് ഫിനാന്‍സില്‍ നടന്ന കവര്‍ച്ചാ ശ്രമം നടത്തിയ പ്രതിയുടെ ചിത്രം ലഭിച്ചത് പൊലിസ് അന്വേഷണത്തിന് വഴിത്തിരിവായി. കഴിഞ്ഞ ശനിയാഴ്ച രാത്രിയിലാണ് പാറശാല ഗാന്ധി പാര്‍ക്കിനു സമീപത്തെ കെട്ടിടത്തിന്റെ രണ്ടാം നിലയില്‍ പ്രവര്‍ത്തിക്കുന്ന മുത്തൂറ്റ് ഫിനാന്‍സ് ശാഖയുടെ താഴ് പൊളിച്ച് മോഷണ ശ്രമം നടന്നത്.
സ്ഥാപനത്തിലെ വാതിലിനു മുന്നിലെ ഗ്രില്ലിന്റെ പൂട്ടും വാതിലിന്റെ പൂട്ടും തകര്‍ത്ത് അകത്ത് കടന്ന മോഷ്ടാവ് സൈറണ്‍ മുഴങ്ങിയപ്പോള്‍ ഓടി രക്ഷപ്പെടുകയായിരുന്നു. സ്ഥാപനത്തിലെ സി.സി.ടി.വി ദൃശ്യത്തില്‍ നിന്നും ലഭിച്ച പ്രതിയുടെ ചിത്രം അടിസ്ഥാനമാക്കി പൊലിസ് അന്വേഷണം ഊര്‍ജിതമാക്കി.