വെഞ്ഞാറമൂട്: വമനപുരം, ആറാംതാനത്ത് വീടിന്റെ കതക് പൊള്ളിച്ച് റബര്‍ഷീറ്റും പണവും കവര്‍ന്നു. വാമനപുരം, ആറാംതാനം , അശ്വതി ഭവനില്‍ സുപ്രകാശിന്റെ വീട്ടിലായിരുന്നു കവര്‍ച്ച നടന്നത്. സുപ്രകാശനും കുടുംബവും ഒരാഴ്ചയായി വീട് പൂട്ടിയിട്ട ശേഷം ബന്ധുവീട്ടിലേയ്ക്ക് പോയിരിക്കുകയായിരുന്നു.
വീടിന്റെ മുന്‍വശത്തെ കതക് കുത്തി പൊളിച്ചതായും പുറത്ത് വശത്തെ കതക് തുറന്ന് കിടക്കുന്നതായും ശ്രദ്ധയില്‍പ്പെട്ട അയല്‍വാസിയാണ് വെഞ്ഞാറമൂട് പൊലിസില്‍ വിവരം അറിയിച്ചത്. തുടര്‍ന്ന് വീട്ടുടമയെ വിവരം അറിയിച്ചു.
പരിശോധനയില്‍ പതിനാലായിരം രൂപയുടെ റബര്‍ഷീറ്റും, അലമാരയില്‍ സൂക്ഷിച്ചിരുന്ന നാലായിരം രൂപയും നഷ്ടപ്പെട്ടതായി കണ്ടെത്തി. വെഞ്ഞാറമൂട് പൊലിസ് മേല്‍നടപടി സ്വീകരിച്ചു.