ബിഡര്‍: സ്‌കൂളില്‍ പൗരത്വ നിയമ ഭേദഗതിക്കെതിരായ (സി.എ.എ) നാടകം കളിച്ചതിന് രാജ്യദ്രോഹക്കുറ്റം ചുമത്തപ്പെട്ട് അറസ്റ്റിലായ പ്രധാനാധ്യാപികയ്ക്കും രക്ഷിതാവിനും ജാമ്യം ലഭിച്ചു. ജനുവരി 21നാണ് കേസിനാസ്പദമായ നാടകം സ്‌കൂളില്‍ കളിച്ചത്. പ്രധാനമന്ത്രി നരേന്ദ്ര മോദിക്കെതിരായ പരാമര്‍ശമുണ്ടെന്ന പരാതിയില്‍ ഷഹീന്‍ ഗ്രൂപ്പ് ഇന്‍സ്റ്റിറ്റിയൂഷന്‍ പ്രധാനാധ്യപിക ഫരീദ ബീഗം, അഞ്ചാം ക്ലാസിലെ ഒരു പെണ്‍കുട്ടിയുടെ മാതാവ് നസ്ബുന്നിസ എന്നിവരെയാണ് അറസ്റ്റ് ചെയ്തത്.

124എ (രാജ്യദ്രോഹം), 504 (സമാധാനം കെടുത്താനുള്ള ശ്രമം), 505 (2) (ശത്രുത വളര്‍ത്തുന്ന പ്രസ്താവന), 34 (ഒരേ ലക്ഷ്യത്തോടെ പല വ്യക്തികള്‍ കൂടിച്ചേര്‍ന്ന് പ്രവര്‍ത്തിച്ചു), 153എ (വര്‍ഗീയ വിദ്വേഷം വളര്‍ത്തുക) എന്നീ വകുപ്പുകള്‍ ചാര്‍ത്തിയാണ് പൊലിസ് കേസ്.

Read more at: ‘ഞാനെല്ലാ ചോദ്യങ്ങള്‍ക്കും ഉത്തരം പറഞ്ഞതാണ്, പക്ഷെ അവരെന്റെ ഉമ്മയെ അറസ്റ്റ്‌ചെയ്തു’- ബിഡര്‍ സ്‌കൂളിലെ ആയിഷ പരിഭവപ്പെടുന്നു

ഇതിന്റെ പേരില്‍ കുട്ടികളെ രാത്രിയില്‍ അടക്കം സ്‌കൂളില്‍ നിര്‍ത്തുകയും പൊലിസ് ചോദ്യംചെയ്യുകയുമുണ്ടായി. പൊലിസ് യൂനിഫോമില്‍ തന്നെ കുട്ടികളെ ചോദ്യംചെയ്യുന്നതിന്റെ ദൃശ്യങ്ങള്‍ പുറത്തുവന്നിരുന്നു.