മലപ്പുറം: സുന്നി മഹല്ല് ഫെഡറേഷന്‍ സംസ്ഥാന കമ്മിറ്റിക്ക് കീഴില്‍ ഈ മാസം 30ന് ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റി കാംപസില്‍ നടക്കുന്ന സംസ്ഥാന ഉമറാ സംഗമത്തിന് വിപുലമായ ഒരുക്കങ്ങള്‍. സമസ്തക്കു കീഴിലുള്ള മുഴുവന്‍ മഹല്ലുകളില്‍നിന്നും രണ്ടുവീതം പ്രതിനിധികളെ പങ്കെടുപ്പിച്ച് നടത്തുന്ന സംഗമത്തില്‍ വിവിധ വിഷയങ്ങളിലുള്ള പ്രബന്ധങ്ങളും ചര്‍ച്ചകളും നടക്കും. ജില്ലാതല രജിസ്‌ട്രേഷന്‍ സംബന്ധമായ കാര്യങ്ങള്‍ എസ്.എം.എഫിന്റെ പ്രൊജക്ട് വിങ് ആര്‍.പിമാര്‍ മുഖേനെയാണ് തയാറാക്കുന്നത്. ഓരോ ജില്ലകളിലെയും പ്രചാരണ പരിപാടികള്‍ വിലയിരുത്താന്‍ എസ്.എം.എഫ് ജില്ലാ കമ്മിറ്റി ഭാരവാഹികളുടെ യോഗം 24ന് വ്യാഴാഴ്ച രാവിലെ കോഴിക്കോട് സുപ്രഭാതം ഓഡിറ്റോറിയത്തില്‍ ചേരുമെന്ന് സംസ്ഥാന കമ്മിറ്റി ഭാരവാഹികള്‍ അറിയിച്ചു.