തൃപ്രയാര്‍: തൃപ്രയാര്‍ സെന്ററില്‍ തെരുവിലുറങ്ങുന്നവരുടെ തണുപ്പകറ്റാന്‍ പുതപ്പുമായി വലപ്പാട് ജനമൈത്രി പൊലിസ്.
ആരുമില്ലാത്തതിനാല്‍ ഒറ്റപ്പെട്ട് തെരുവില്‍ ജീവിക്കുന്നവര്‍ക്ക് മകരമാസത്തിലെ മരം കോച്ചുന്ന തണുപ്പില്‍ നിന്നും സംരക്ഷണമൊരുക്കാനായാണ് വലപ്പാട് സ്റ്റേഷന്‍ പരിധിയില്‍ തെരുവില്‍ കഴിയുന്നവരില്‍ അര്‍ഹതപ്പെട്ടവര്‍ക്ക് ജനമൈത്രി പൊലിസിന്റെ നേതൃത്വത്തില്‍ പുതപ്പുകള്‍ നല്‍കിയത്. വലപ്പാട് സ്റ്റേഷന്‍ ഹൗസ് ഓഫിസര്‍ ടി.കെ ഷൈജു, എസ്.ഐ അനൂപ്, ഷെമീര്‍ എളേടത്ത്, ഷൈന്‍ സുരേന്ദ്രന്‍, ടി.എസ് പ്രതീഷ് കുമാര്‍ പങ്കെടുത്തു.