കാളികാവ്: ചോക്കാട് പെടെയന്താള്‍ ജി.എല്‍.പി സ്‌കൂളില്‍ അമ്മ ലൈബ്രറി ഉദ്ഘാടനം സ്‌കൂള്‍ പ്രധാനാധ്യാപകന്‍ മുഹമ്മദ് അസ്‌ലമിനു ബുക്ക് ഷെല്‍ഫ് കൈമാറി ചോക്കാട് വോയ്‌സ് പ്രസിഡന്റ് ഇ.പി.മൂസ നിര്‍വഹിച്ചു.
പി.ടി.എ പ്രസിഡന്റ് അധ്യക്ഷനായി. ചോക്കാട് പഞ്ചായത്ത് പ്രസിഡന്റ് ഷാഹിന ഗഫൂര്‍ മുഖ്യാതിഥിയായി. കുട്ടികളുടെ വായനാശീലം വളര്‍ത്തുക എന്ന ഉദ്ദേശത്തോടെ സ്‌കൂള്‍ പി.ടി.എ യും അധ്യാപകരും ചേര്‍ന്നാണ് പദ്ധതി തയാറാക്കിയിട്ടുള്ളത്.
മേഖലയിലെ പ്രവാസികളുടെ കൂട്ടായ്മയായ ചോക്കാട് വോയിസ് ആണു ലൈബ്രറിക്കുവേണ്ട ഷെല്‍ഫുകളും മറ്റു സൗകര്യങ്ങളു ഒരുക്കിയിട്ടുള്ളത്.
ചടങ്ങില്‍ ഷാനവാസ് പുല്ലാണി, ഉസ്മാന്‍ കുരിക്കള്‍, നാസര്‍ ,ജയകുമാര്‍ മാസ്റ്റര്‍, അബ്ദുല്‍ ശക്കൂര്‍ മാസ്റ്റര്‍, രവി സംസാരിച്ചു.