പാലാ: റിങ് റോഡിന്റെ രണ്ടാംഘട്ടത്തിന് സംസ്ഥാന ബജറ്റില്‍ പച്ചക്കൊടി. ബജറ്റ് വിഹിതമായി 45 കോടി രൂപ വകയിരുത്തിയതോടെ റിങ് റോഡ് വികസനം പൂര്‍ത്തിയാകുമെന്ന പ്രതീക്ഷയിലാണ് പാലാക്കാര്‍. പൊന്‍കുന്നം റോഡിലെ പന്ത്രണ്ടാം മൈലില്‍ നിന്നും കളരിയാമാക്കല്‍ പാലം വരെയുള്ളതാണ് രണ്ടാംഘട്ടം. .ഭൂമി ഏറ്റെടുക്കല്‍ നടപടികള്‍ അവസാന ഘട്ടത്തിലാണ്. വിവിധ മേഖലകളായി തിരിച്ച് ഭൂമിക്ക് വിലയിടുന്നത് സംബന്ധിച്ച തീരുമാനം നീളുന്നതാണ് ഏറ്റെടുക്കല്‍ വൈകിപ്പിക്കുന്നത്. 95 ശതമാനം ഉടമകളും പദ്ധതിക്ക് അനുകൂലമായ നിലപാട് തുടക്കത്തില്‍ സ്വീകരിച്ചിരുന്നു. ഇതാണ് മറ്റ് നിര്‍മാണ പ്രവര്‍ത്തനങ്ങള്‍ ധ്രുതഗതിയില്‍ പൂര്‍ത്തിയാക്കിയത്. കെ.എം മാണി എം.എല്‍.എയുടെ അഭ്യര്‍ഥനയെത്തുടര്‍ന്നാണ് ബജറ്റില്‍ തുക അനുവദിച്ചു.