ചെന്നൈ: തിരുച്ചിറപ്പള്ളി തിരുവാനിക്കാവിലെ ജംബുകേശ്വര്‍ ക്ഷേത്രത്തിനു സമീപം നിധിശേഖരം കണ്ടെത്തി. 1.716 കിലോഗ്രാം ഭാരമുള്ള 505 സ്വര്‍ണനാണയങ്ങളാണ് കണ്ടെത്തിയത്.

ഏഴടി താഴ്ചയില്‍ പാത്രത്തില്‍ കുഴിച്ചിട്ട നിലിയിലായിരുന്നു നാണയങ്ങള്‍. 504 ചെറിയ നാണയങ്ങളും ഒരു വലിയ നാണയവുമായിരുന്നു പാത്രത്തില്‍ ഉണ്ടായിരുന്നത്.

ക്ഷേത്രത്തിനു സമീപം കുഴി എടുക്കുന്നതിനിടെയായിരുന്നു നാണയശേഖരം കണ്ടെത്തിയത്. 1000-1200 കാലഘട്ടത്തിലെ നാണയങ്ങളാണ് ഇവയെന്ന് അധികൃതര്‍ പറയുന്നു. നാണയങ്ങളില്‍ അറബി ലിപിയില്‍ അക്ഷരങ്ങള്‍ ആലേഖനം ചെയ്തിട്ടുണ്ട്.

കണ്ടെടുത്ത നാണയ ശേഖരങ്ങള്‍ കൂടുതല്‍ പരിശോധനയ്ക്കായി ക്ഷേത്ര അധികൃതര്‍ പൊലീസിന് കൈമാറി. നാണയങ്ങളും പാത്രങ്ങളും വിശദമായ പരിശോധനയ്ക്കായി ട്രഷറിയില്‍ സൂക്ഷിച്ചിരിക്കുകയാണ്.