പത്തനാപുരം: വീട്ടു മുറ്റത്ത് പാര്‍ക്ക് ചെയ്തിരുന്ന കാര്‍ അജ്ഞാതര്‍ തീയിട്ടു നശിപ്പിച്ചു. അലിമുക്ക് ജങ്ഷനിലെ പച്ചക്കറി വ്യാപാരി ചിവോട് വെള്ളറയില്‍ പ്രസാദിന്റെ കാറാണ് കത്തി നശിച്ചത്.ഇന്നലെ പുലര്‍ച്ചെ രണ്ടരയോടെയായിരുന്നു സംഭവം. വീട്ടുകാരും നാട്ടുകാരും ചേര്‍ന്നാണ് തീയണച്ചത്.
കഴിഞ്ഞ 17നാണ് മൂന്നര ലക്ഷത്തോളം രൂപ മുടക്കി പ്രസാദ് ഈ കാര്‍ വാങ്ങിയത്. പുനലൂര്‍ പൊലിസ് സ്ഥലത്തെത്തി പരിശോധനകള്‍ക്ക് ശേഷം കേസെടുത്ത് അന്വേഷണം തുടങ്ങി. ഇന്ന് ഫോറന്‍സിക് വിദഗ്ധര്‍ സ്ഥലത്തെത്തി പരിശോധനകള്‍ നടത്തും.
ഒരു വര്‍ഷം മുമ്പ് അയല്‍വാസിയായ യശോധരന്റെ വീട്ട് മുറ്റത്ത് കിടന്ന കാറും സ്‌കൂട്ടറും കത്തി നശിച്ചിരുന്നു. ഇതു സംബന്ധിച്ച അന്വേഷണം എവിടെയുമെത്തിയിട്ടില്ല. അതിനിടെയിലാണ് ഇന്നലെത്തെ സംഭവം.