ജനീവ: മുതിര്‍ന്ന സഊദി മാധ്യമപ്രവര്‍ത്തകന്‍ ജമാല്‍ കഷോഗിയുടെ വധത്തില്‍ യു.എന്‍ ആഭിമുഖ്യത്തിലുള്ള രാജ്യാന്തര സംഘം അന്വേഷണം നടത്തും.
പ്രത്യേക യു.എന്‍ അന്വേഷണ ഉദ്യോഗസ്ഥ ആഗ്നസ് കല്ലാമാര്‍ഡ് ആണു സംഘത്തിനു നേതൃത്വം നല്‍കുന്നത്. അന്വേഷണത്തിന്റെ ഭാഗമായി ഉടന്‍ തുര്‍ക്കിയിലേക്കു തിരിക്കുമെന്ന് ആഗ്നസ് റോയിട്ടേഴ്‌സിനോട് വ്യക്തമാക്കി. ഹെലന കെന്നഡി, ഡ്വുവാര്‍ട്ടെ വൈറ എന്നിവരാണ് സംഘത്തിലുള്ള മറ്റ് ഉദ്യോഗസ്ഥര്‍. ഈ മാസം 28 മുതല്‍ ഫെബ്രുവരി മൂന്നുവരെ തുര്‍ക്കിയില്‍ തങ്ങിയാണു സംഘം അന്വേഷണം നടത്തുക.