കാട്ടാക്കട: ലോക്‌സഭാ തിരഞ്ഞെടുപ്പില്‍ ഭാരതത്തില്‍ കോണ്‍ഗ്രസ് ചരിത്രം രചിക്കുമെന്ന് കെ.പി.സി.സി.പ്രസിഡന്റ് മുല്ലപ്പള്ളി രാമചന്ദ്രന്‍ പറഞ്ഞു.
ഹിന്ദി ഹൃദയ ഭൂമിയിലെ ജനങ്ങള്‍ കോണ്‍ഗ്രസിനെ നെഞ്ചിലേറ്റുന്നതിന്റെ തെളിവാണ് കഴിഞ്ഞ നിയമസഭാ തിരഞ്ഞെടുപ്പുകളെന്നും, അടുത്ത ഊഴം കേരള ജനതയ്ക്കാണെന്നും ആ ചരിത്രപരമായ ദൗത്യം ജനങ്ങള്‍ ഏറ്റെടുക്കണമെന്നും, കേരളത്തിലെ സര്‍ക്കാര്‍ കെടുകാര്യസ്ഥതയുടെയും പിടിപ്പുകേടിന്റെയും പര്യായമാണെന്നും മുല്ലപ്പള്ളി പറഞ്ഞു. നെയ്യാര്‍ഡാമില്‍ നടക്കുന്ന സേവാദള്‍ സംസ്ഥാന പരിശീലന ക്യാമ്പില്‍ മുഖ്യപ്രഭാഷണം നടത്തുകയിരുന്നു അദ്ദേഹം. സംസ്ഥാന ചീഫ് ഓര്‍ഗനൈസര്‍ എം.എ.സലാം അധ്യക്ഷനായി. സംസ്ഥാന ഭാരവാഹികളായ എ.പി.രവീന്ദ്രന്‍, ആര്‍.ജയകുമാരി, അഡ്വ.ജെ.സ്റ്റീഫന്‍സണ്‍, അഡ്വ.പുഷ്പദാസ് വെള്ളപ്പാറ, രമേശന്‍ കടുവാച്ചേരി, യൂസഫ് ഷാജി, പി.പി.ബാബു, എം.ഐ.ഹാഷിം, പി.കെ.മോഹനന്‍, ബെന്നി പുത്തന്‍പറമ്പില്‍, കട്ടയ്‌ക്കോട് തങ്കച്ചന്‍ തുടങ്ങിയവര്‍ സംസാരിച്ചു.