പൂച്ചാക്കല്‍: വൈക്കം മറവന്‍തുരുത്തില്‍ ചേര്‍ത്തലയുടെ ജപ്പാന്‍ശുദ്ധജല വിതരണ പൈപ്പ് മാറ്റുന്നതില്‍ അനിശ്ചിതത്വം തുടരുന്നു. ജല അതോറിറ്റിയും മറവന്‍തുരുത്ത് പഞ്ചായത്തുമായി പ്രത്യേക കരാര്‍ ഉണ്ടായാല്‍ മാത്രമെ പൈപ്പ് മാറ്റലിന് അനുവദിക്കൂ എന്നാണ് പ്രദേശവാസികളുടെ നിലപാടെന്ന് അധികൃതര്‍ പറഞ്ഞു.
മൂവാറ്റുപുഴ ആറില്‍ നിന്നുള്ള ജലം വൈക്കം മറവന്‍തുരുത്തിലൂടെ റോഡില്‍ ഭൂഗര്‍ഭ പൈപ്പുകളിലൂടെയാണ് മാക്കേക്കവലയിലെ ശുദ്ധീകരണ പ്ലാന്റിലെത്തിച്ച് ശുദ്ധീകരിച്ച് വിതരണം ചെയ്യുന്നത്.
മറവന്‍തുരുത്തില്‍ പതിവായി പൈപ്പ് പൊട്ടുന്ന ഭാഗത്ത് നിലവിലെ പൈപ്പ് മാറ്റി സ്റ്റീല്‍ ആക്കുന്ന പ്രവൃത്തികളാണ് ഇപ്പോള്‍ നടക്കുന്നത്. ഇതിനായി മറവന്‍തുരുത്ത് ടോള്‍ ചെമ്മനാകരി റോഡ് 400 മീറ്റര്‍ പൊളിക്കേണ്ടതുണ്ട്. റോഡ് പൊളിക്കുന്നതു മൂലം ജനം വലയുമെന്നതിലാണ് പ്രദേശവാസികളുടെ പ്രതിഷേധം.