അമരാവതി: മൂന്നാമത് കുഞ്ഞിന് ജന്മം നല്‍കുന്നവര്‍ക്ക് 50,000 രൂപ നൽ‍കുമെന്ന് പ്രഖ്യാപിച്ച് തെലുങ്കു ദേശം പാര്‍ട്ടി (TDP) എംപി കാലിസെറ്റി അപ്പള നായിഡു. അന്താരാഷ്ട്ര വനിതാ ദിനാഘോഷത്തിനിടെയാണ് എംപി ഈ പ്രഖ്യാപനം നടത്തിയത്. ആണ്‍കുഞ്ഞ് ജനിച്ചാൽ പശുവിനെ നല്‍കുമെന്നും, ഇതിന് ആവശ്യമായ തുക സ്വന്തം ശമ്പളത്തില്‍ നിന്ന് ചെലവഴിക്കുമെന്നും അപ്പള നായിഡു വ്യക്തമാക്കി.

ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡു അപ്പള നായിഡുവിന്റെ പ്രസ്താവനയെ പിന്തുണച്ചു. ദക്ഷിണേന്ത്യയിൽ പ്രായമായ ജനസംഖ്യ വർധിക്കുന്നുവെന്ന ആശങ്കയും അദ്ദേഹം പ്രകടിപ്പിച്ചു. അടുത്ത കാലത്ത് ദക്ഷിണേന്ത്യൻ സംസ്ഥാനങ്ങൾ യുവജനങ്ങളുടെ എണ്ണത്തിൽ യുപി, ബിഹാർ പോലുള്ള സംസ്ഥാനങ്ങളെക്കാൾ പിന്നിലാകുമെന്നും അദ്ദേഹം മുന്നറിയിപ്പ് നല്‍കി.

കുടുംബാസൂത്രണത്തിലേക്ക് മാറാൻ ആഗ്രഹിക്കുന്നതായും, ജനങ്ങളെ കൂടുതൽ കുട്ടികൾ ജനിപ്പിക്കാൻ പ്രോത്സാഹിപ്പിക്കാനുള്ള പദ്ധതികൾ ആസൂത്രണം ചെയ്യുന്നുവെന്നും ചന്ദ്രബാബു നായിഡു വ്യക്തമാക്കി. ഇതിന്റെ ഭാഗമായാണ്, രണ്ടിലധികം കുട്ടികളുള്ളവർക്കായി അധിക ആനുകൂല്യങ്ങൾ പരിഗണിക്കുന്നതെന്നും നേരത്തെ തദ്ദേശ തെരഞ്ഞെടുപ്പിൽ രണ്ടിൽ താഴെ കുട്ടികളുള്ളവരെ മത്സരിക്കാൻ വിലക്കിയതെന്നും അദ്ദേഹം വ്യക്തമാക്കി.

Telugu Desam Party (TDP) MP Kalisetty Appala Naidu has announced a grant of Rs 50,000 to those who give birth to a third child. The MP made the announcement during the International Women's Day celebrations.