അടിമാലി: തോക്കുപാറയില്‍ ആയുര്‍വേദ മസാജിങ് സെന്ററില്‍ ജീവനക്കാരിയെ സ്ഥാപനത്തിലെത്തി പീഡിപ്പിക്കാന്‍ ശ്രമിച്ച യുവാക്കള്‍ അറസ്റ്റില്‍. സ്ഥാപനത്തില്‍ ജോലി ചെയ്യുന്ന ദക്ഷിണ കന്നട സ്വദേശിനി സെറിന്‍ അഷ്‌റഫിന്റെ പരാതിയുടെ അടിസ്ഥാനത്തില്‍ തോക്കുപാറ സ്വദേശികളായ പുത്തന്‍പുരയ്ക്കല്‍ ജോബി (38), പുതുവവീട്ടില്‍ സണ്ണി (36) എന്നിവരാണ് അറസ്റ്റിലായത്.
ഇന്നലെ രാവിലെ 10 മണിയോടെയാണ് ഇരുവരും സ്ഥാപനത്തില്‍ എത്തിയത്. തുടര്‍ന്ന് ബലപ്രയോഗത്തിലൂടെ കീഴ്‌പ്പെടുത്താന്‍ ശ്രമിച്ചെന്നാണ് പരാതി. ഇതുസംബന്ധിച്ച വിശദമായ അന്വേഷണം നടന്നുവരികയാണെന്ന് വെള്ളത്തൂവല്‍ എസ്.ഐ കെ.എം സന്തോഷ് പറഞ്ഞു.