തിരുവനന്തപുരം: കെ.എസ്.ആര്‍.ടി.സി എം.ഡി ടോമിന്‍ തച്ചങ്കരിയെ തദ്സ്ഥാനത്ത് നിന്ന് നീക്കി. ഇന്ന് ചേര്‍ന്ന മന്ത്രിസഭാ യോഗത്തിലാണ് തീരുമാനമെടുത്തത്. തൊഴിലാളി സംഘടനകളുടെ കടുത്ത എതിര്‍പ്പിനെ തുടര്‍ന്നാണ് നടപടിയെന്നാണ് സൂചന. എറണാകുളം സിറ്റി പൊലിസ് കമ്മീഷണര്‍ എം.പി ദിനേശിനെ പുതിയ എം.ഡിയായി നിയമിച്ചു.

എം.ഡി. ആയിരിക്കെ തച്ചങ്കരി സ്വീകരിച്ച നിലപാടുകളാണ് സ്ഥാനമാറ്റത്തിന് കാരണമായത്. സി.ഐ.ടി.യു. അടക്കമുള്ള സംഘടനകള്‍ തച്ചങ്കരിക്കെതിരെ രംഗത്ത് എത്തിയിരുന്നു. യൂണിയന് പുറമെ വൈക്കം വിശ്വന്‍, ആനത്തലവട്ടം ആനന്ദന്‍ എന്നിവരും തച്ചങ്കരി സ്വീകരിക്കുന്ന നിലപാടുകള്‍ക്ക് എതിരായിരുന്നു. പകരം അദ്ദേഹത്തിന് ചുമതലയൊന്നും നല്‍കിയിട്ടില്ല.