അരീക്കോട്: വിലക്കയറ്റം രൂക്ഷമായ ഘട്ടത്തില്‍ ആവശ്യമായ നടപടികള്‍ സ്വീകരിക്കാത്ത മുഖ്യമന്ത്രി പിണറായി വിജയന്‍ ബംഗാളില്‍ നിന്ന് അരിയെത്തിക്കുമെന്ന് പറയുന്നത് വിശ്വസിക്കാനാവില്ലെന്നും ഇടതുപക്ഷമാണ് ബംഗാള്‍ ഭരിക്കുന്നതെങ്കില്‍ അവിടെയും അരിയുണ്ടാവുമായിരുന്നില്ലെന്നും മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ് പറഞ്ഞു.
ജില്ലാ മുസ്‌ലിം ലീഗ് കമ്മിറ്റിയുടെ ഇരുപതിന പരിപാടിയുടെ ഭാഗമായി അരീക്കോട് സംഘടിപ്പിച്ച നിലമ്പൂര്‍, ഏറനാട്, വണ്ടൂര്‍, തിരുവമ്പാടി നിയോജക എന്നീ മണ്ഡലങ്ങളില്‍ നിന്നുള്ള ഭാരവാഹികളുടെ നേതൃസംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലാ ജനറല്‍ സെക്രട്ടറി അഡ്വ. കെ.എന്‍.എ ഖാദര്‍ പദ്ധതി വിശദീകരിച്ചു.
എം സി മുഹമ്മദാജി അധ്യക്ഷനായി. കെ മുഹമ്മദുണ്ണി ഹാജി, ഇസ്മാഈല്‍ മുത്തേടം, കളത്തില്‍ കുഞ്ഞാപ്പു ഹാജി, പി.പി സഫറുള്ള, കെ.വി അബ്ദുറഹിമാന്‍, കെ.ടി അഷ്‌റഫ്, മുസ്തഫ അബ്ദുല്‍ലതീഫ്, കാഞ്ഞിരാല അബൂബക്കര്‍, ഗഫൂര്‍ കുറുമാടന്‍, പാറമ്മല്‍ അഹമ്മദ് കുട്ടി, സി അബ്ദുറഹിമാന്‍ മാസ്റ്റര്‍, ഹംസ ഇരിവേറ്റി തുടങ്ങിയവര്‍ സംബന്ധിച്ചു.