കണ്ണൂര്‍: ഏച്ചൂര്‍ വട്ടപ്പൊയിലില്‍ ആര്‍.എസ്.എസ് പ്രാദേശിക നേതാവിന്റെ വീടിനുനേരേ ബോംബേറ്. ആര്‍.എസ്.എസ് ചക്കരക്കല്‍ താലൂക്ക് സഹകാര്യവാഹകായ പവിത്രന്റെ വീടിനുനേരേയാണു വ്യാഴാഴ്ച അര്‍ധരാത്രി 12.30ഓടെ ബോംബേറുണ്ടായത്. ബോംബേറില്‍ വീടിന്റെ നാലു ജനലുകളും വാതിലും തകര്‍ന്നു. ബൈക്കിലെത്തിയ സംഘമാണു അക്രമം നടത്തിയത്. ചക്കരക്കല്‍ പൊലിസ് സ്ഥലത്തെത്തി അന്വേഷണം നടത്തി. ബി.ജെ.പി നേതാക്കള്‍ സ്ഥലം സന്ദര്‍ശിച്ചു.