റിയാദ്: രാജ്യത്ത് അനധികൃതമായി തങ്ങുന്ന 5 മില്യണ്‍ ആളുകളെ പിടികൂടി തിരിച്ചയക്കാന്‍ ശൂറാ കൗണ്‍സില്‍ പദ്ധതി തയ്യാറാക്കുന്നു. ആഭ്യന്തര മന്ത്രാലയവുമായി സഹകരിച്ചാണ് ഇത്രയും അനധികൃത താമസക്കാരെ പിടികൂടി തിരിച്ചയകുന്നത്. ശൂറ കൗണ്‍സില്‍ അംഗമായ ഡോ: സദ്ഖ ഫാദില്‍ ആണ് ഈ ആവശ്യവുമായി ചര്‍ച്ചക്ക് തുടക്കമിട്ടത്.

വിവിധ മാര്‍ഗ്ഗങ്ങള്‍ വഴി രാജ്യത്തേക്ക് നിരവധി വിദേശികളാണ് അനധികൃതമായി കടന്നു കൂടിയത് ദേശീയ, അന്തര്‍ദേശീയ നിയമങ്ങളെ കാറ്റില്‍ പറത്തിയാണ് അനധികൃത കുടിയേറ്റക്കാര്‍ പെരുകുന്നത്. അനധികൃത കുടിയേറ്റ താമസക്കാരില്‍ ഏറിയ പങ്കും ആഫ്രിക്കന്‍, ഏഷ്യന്‍ രാജ്യങ്ങളില്‍ നിന്നുള്ളവരാണെന്ന് സദ്ഖ ഫാദില്‍ വ്യക്തമാക്കി. വലിയ തോതിലുള്ള അനധികൃത താമസം ഭാവില്‍ സ്വരാഷ്ട്ര ആവശ്യം പോലുള്ള ഗുരുതര പ്രശ്‌നങ്ങള്‍ക്ക് കാരണമാകമെന്നും അദ്ദേഹം പറഞ്ഞു.