വടക്കാഞ്ചേരി: സാമൂഹ്യ പുരോഗതിക്ക് നിര്‍ണായക പങ്കു വഹിച്ചവരാണ് മാധ്യമ പ്രവര്‍ത്തകരെന്ന് ഡോ.പി.കെ ബിജു എം.പി പറഞ്ഞു. വടക്കാഞ്ചേരി. പ്രസ് ക്ലബിന്റെ ആഭിമുഖ്യത്തില്‍ സംഘടിപ്പിച്ച മുന്‍ കാല പത്രപ്രവര്‍ത്തകരുടെ ഓര്‍മ സ്മൃതി സദസ് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
പത്രപ്രവര്‍ത്തനം ഇന്ന് കടുത്ത വെല്ലുവിളി നേരിടുകയാണ്. പത്രമുതലാളിമാര്‍ കോര്‍പറേറ്റുകളുടെ പിടിയിലാണ്. വാര്‍ത്തകളുടെ വിശ്വാസ്യത നഷ്ടപ്പെട്ടാല്‍ മാധ്യമങ്ങളുടെ നിലനില്‍പ്പ് തന്നെ ഭീക്ഷണിയിലാകുമെന്നും എംപി. പറഞ്ഞു. പ്രസ് ക്ലബ് പ്രസിഡന്റ് വി. മുരളി അധ്യക്ഷനായി.
ആര്‍.എം മനയ്ക്കലാത്ത്, കെ.പി.എന്‍ നമ്പീശന്‍, ഇടുകാട് ശങ്കരന്‍ കുട്ടി, എസ്.എ സുബ്രഹ്മണ്യന്‍, സി.പി അന്തു, കെ.എസ് ജോണ്‍ എന്നിവരെ ചടങ്ങില്‍ അനുസ്മരിച്ചു.
ബ്ലോക്ക് പഞ്ചായത്ത് പ്രസിഡന്റ് എസ്. ബസന്ത് ലാല്‍, നഗരസഭാ വൈസ് ചെയര്‍മാന്‍ എം.ആര്‍ അനൂപ് കിഷോര്‍, നഗരസഭാ പ്രതിപക്ഷ നേതാവ് കെ. അജിത്കുമാര്‍, അജീഷ് കര്‍ക്കിടകത്ത്, ജോണി ചിറ്റിലപ്പിളളി, എ.പത്മനാഭന്‍ എന്നിവര്‍ സംസാരിച്ചു.