ജിദ്ദ: സഊദി അറേബ്യയിലെ പെട്രോൾ വില പുതുക്കി നിശ്ചയിച്ച് കൊണ്ട് സഊദി ആരാംകോ പ്രസ്താവനയിറക്കി. 2020 മാർച്ച് 11 മുതൽ 2020 ഏപ്രിൽ 10 വരെയുള്ള ഒരു മാസക്കാലയളവിലേക്കുള്ള പെട്രോൾ വിലയാണു സഊദി ആരാംകോ പുതുക്കി നിശ്ചയിച്ചിട്ടുള്ളത്.

നിലവിൽ 91 പെട്രോളിനു 1.55 റിയാൽ എന്നതിൽ നിന്നും മാറ്റം വരുത്തിയിട്ടില്ല. അതേ സമയം 95 പെട്രോളിനു വില കുറച്ചിട്ടുണ്ട്. 95 പെടോളിൻ്റെ വില 2.05 റിയാല്‍ ആക്കിയാണു പുന:നിശ്ചയിച്ചിട്ടുള്ളത്. നേരത്തെ വില 2.11 റിയാല്‍ ആയിരുന്നു.

അന്താരാഷ്ട്ര വിപണിയിലേക്കുള്ള സഊദിയുടെ കയറ്റുമതി നിരക്കിനനുസരിച്ച് എല്ലാ മാസവും പത്താം തിയതിയാണു സഊദി ആരാംകൊ എണ്ണ വില പുന:നിശ്ചയിക്കുന്നത്.

അതേസമയം ഏപ്രിൽ മാസം മുതൽ ക്രൂഡ് ഓയിൽ വിതരണം പ്രതിദിനം 12.3 മില്ല്യൻ ബാരൽ ആയി വർധിപ്പിക്കുമെന്ന് സഊദി ആരാംകോ പ്രഖ്യാപിച്ചു.