കരുനാഗപ്പള്ളി: പുത്തന്‍തെരുവ് ജങ്ഷന് വടക്ക് ഷെഡില്‍ പ്രദര്‍ശനത്തിന് ഇട്ടിരുന്ന കാറുകള്‍ അടിച്ച് തകര്‍ത്തു. കുലശേഖരപുരം പുന്നക്കുളം കോടാശ്ശേരിതെക്കതില്‍ നജാദ് വില്‍പനയ്ക്കായി ഇട്ടിരുന്ന കാറുകളാണ് അടിച്ചു തകര്‍ത്തത്. രാവിലെ കട തുറക്കാനായി വന്ന സമയത്താണ് ഒന്‍പതോളം വരുന്ന കാറുകളുടെ ഗ്ലാസുകളും, മുകള്‍ഭാഗം ടോപ്പുകളും അടിച്ചു തകര്‍ത്ത നിലയിലും കണ്ടത്.
ഏതോ സാമൂഹ്യ വിരുദ്ധര്‍ ആകാം ഇതിന് പിന്നിലെന്ന് കരുതുന്നു. 20 ലക്ഷം രൂപയുടെ നഷ്ടം കണക്കാക്കുന്നു. ഡോഗ് സ്വകാഡ്, വിരലടയാള വിദഗ്ധര്‍ തുടങ്ങിയവര്‍ സ്ഥലം സന്ദര്‍ശിച്ചു തെളിവെടുപ്പ് നടത്തി. കരുനാഗപ്പള്ളി പൊലിസ് കേസെടുത്തു അന്വേഷണം ആരംഭിച്ചു.