കൊച്ചി: കേരള ബ്ലാസ്റ്റേഴ്‌സ് താരങ്ങളെ വിമര്‍ശിച്ച് പുതിയ പരിശീലകന്‍ നെലോ വിന്‍ഗാഡ രംഗത്ത്. ഡല്‍ഹിക്കെതിരേയുള്ള മത്സരത്തില്‍ ബ്ലാസ്റ്റേഴ്‌സ് താരങ്ങള്‍ ആത്മാര്‍ഥതക്കുറവ് കാണിച്ചെന്ന് പരിശീലകന്‍ കുറ്റപ്പെടുത്തി. ഇതാണ് ടീമിനെ തോല്‍വിയിലേക്ക് നയിച്ചത്.
ഡല്‍ഹി മികച്ച കളി പുറത്തെടുത്തത് കൊണ്ടല്ല വിജയിച്ചത്, ബ്ലാസ്റ്റേഴ്‌സിന്റെ അലക്ഷ്യമായ കളിയും പാസുകളും ഡല്‍ഹി മുതലെടുക്കുകയായിരുന്നു. കളിയിലെ റിസല്‍ട്ട് എന്താണെന്നത് പ്രശ്മല്ല. മുഴുവനായും ആത്മാര്‍ഥതയുണ്ടായാല്‍ മതിയെന്നും അദ്ദേഹം അഭിപ്രായപ്പെട്ടു. ഡല്‍ഹിക്കെതിരേ ഏറ്റവും മോശം പ്രകടനമാണ് ടീം പുറത്തെടുത്തതെന്നും അദ്ദേഹം കൂട്ടിച്ചേര്‍ത്തു.