ഗൂഡല്ലൂര്‍: തേയ്‌ലത്തോട്ടത്തില്‍ പുലിയെ ചത്തനിലയില്‍ കണ്ടെത്തി. കോത്തഗിരിയിലെ തേയിലത്തോട്ടത്തിലാണ് മൂന്ന് വയസ് പ്രായംതോന്നിക്കുന്ന പെണ്‍ പുലിയെ ചത്തനിലയില്‍ കണ്ടെത്തിയത്. ജോലിക്കിറങ്ങിയ തൊഴിലാളികളാണ് പുലിയുടെ ജഡം ആദ്യം കണ്ടത്. തുടര്‍ന്ന് വനം വകുപ്പിനെ അറിയിക്കുകയായിരുന്നു. വിവരമറിഞ്ഞ് റെയ്ഞ്ചര്‍ പെരിയസ്വാമിയുടെ നേതൃത്വത്തിലുള്ള വനപാലക സംഘം സ്ഥലത്തെത്തി തുടര്‍ നടപടി സ്വീകരിച്ചു. പുലിയുടെ ശരീരത്തില്‍ മുറിപ്പാടുകള്‍ കണ്ടെത്തിയിരുന്നു. ് ആന്തരികാവയവങ്ങള്‍ വിദഗ്ധ പരിശോധനക്ക് അയച്ചിട്ടുണ്ട്. ഡോ. രേവതി പോസ്റ്റ്‌മോര്‍ട്ടം നടത്തി. ഇതു സംബന്ധിച്ച് വനം വകുപ്പ് അന്വേഷണം ആരംഭിച്ചിട്ടുണ്ട്.