കൊല്‍ക്കത്ത: ഡേവിസ് കപ്പ് ടെന്നീസില്‍ നിന്ന് ഇന്ത്യ പുറത്തായി.
ഗ്രൂപ്പ് യോഗ്യതാമത്സരത്തില്‍ ഇറ്റലിക്കെതിരേ പരാജയപ്പെട്ടതോടെയാണ് യോഗ്യത നേടാനാകാതെ ഇന്ത്യ പുറത്തായത്.
3-1 ന്റെ ലീഡ് സ്വന്തമാക്കിയാണ് ഇന്ത്യയുടെ സ്വപ്നങ്ങളെ ഇറ്റലി തല്ലിത്തകര്‍ത്തത്.
വെള്ളിയാഴ്ച നടന്ന ആദ്യ രണ്ടണ്ട് സിംഗിള്‍സ് മത്സരങ്ങളിലും ഇന്ത്യ തോറ്റിരുന്നു. ഡബിള്‍സ് മത്സരത്തില്‍ ജയിച്ച് ഇന്ത്യ പ്രതീക്ഷ നിലനിര്‍ത്തി.
എന്നാല്‍, റിവേഴ്‌സ് സിംഗിള്‍സില്‍ ഇന്ത്യന്‍ താരം പ്രജ്‌നേഷ് ഗുണേശ്വരന്‍ തോറ്റതോടെയാണ് ഇന്ത്യന്‍ പ്രതീക്ഷ അവസാനിച്ചത്.ആന്ദ്രേ സെപ്പിയാണ് ഇറ്റലിയെ ജയത്തിലേക്ക് നയിച്ചത്. പ്രജ്‌നേഷിനെ 6-1, 6-4 എന്ന സ്‌കോറില്‍ സെപ്പി തോല്‍പ്പിച്ചു. കഴിഞ്ഞദിവസം നടന്ന ആദ്യ സിംഗിള്‍സില്‍ ഇന്ത്യയുടെ രാംകുമാര്‍ രാംനാഥനെ 6-4, 6-2 എന്ന സ്‌കോറിനും സെപ്പി തോല്‍പ്പിച്ചിരുന്നു.

കഴിഞ്ഞദിവസം 2-0 എന്ന നിലയില്‍ പിന്നിലായ ഇന്ത്യ ശനിയാഴ്ച ഡബിള്‍സില്‍ ജയിച്ച് മത്സരത്തിലേക്ക് തിരിച്ചുവന്നെങ്കിലും ഇന്നലത്തെ മത്സരത്തില്‍ ഇന്ത്യക്ക് പിടിച്ചുനില്‍ക്കാനായില്ല. രോഹന്‍ ബോപണ്ണ ദിവിജ് ശരണ്‍ സഖ്യം ഇറ്റലിയുടെ മാര്‍ക്കോ സെസ്ചിനാറ്റോ, സിമോണെ ബൊലെല്ലി കൂട്ടുകെട്ടിനെ ആദ്യ മത്സരത്തില്‍ പരാജയപ്പെടുത്തിയിരുന്നു. 4-6, 6-3, 6-4 എന്ന സ്‌കോറിനായിരുന്നു ഇന്ത്യന്‍ താരങ്ങളുടെ വിജയം.
കൊല്‍ക്കത്തയില്‍ നടന്ന മത്സരത്തില്‍ ആദ്യ സെറ്റ് കൈവിട്ടുപോയെങ്കിലും ഇന്ത്യയുടെ ഒന്നാം നമ്പര്‍ ഡബിള്‍സ് ജോഡികള്‍ തുടര്‍ച്ചയായി രണ്ടണ്ട് സെറ്റുകള്‍ നേടിയണ്ടാണ് ജയം കണ്ടെത്തിയത്.
ഇതോടെ ഇറ്റലിക്കെതിരെ ഇന്ത്യ 2-1 എന്ന നിലയില്‍ തിരിച്ചുവന്നു. എന്നാല്‍, റിവേഴ്‌സ് സിംഗിള്‍സില്‍ ഇന്ത്യയ്ക്ക് ജയം ആവര്‍ത്തിക്കാനായില്ല. ഇതോടെയാണ് ലോക ഗ്രൂപ്പില്‍ കടക്കാമെന്ന ഇന്ത്യയുടെ പ്രതീക്ഷകള്‍ അവസാനിച്ചത്.