കണ്ണൂര്‍: ട്രെയിനില്‍ തിരൂരിലേക്കഭു കടത്തുകയായിരുന്ന 20 ലക്ഷം രൂപയുടെ കുഴല്‍പ്പണം കണ്ണൂരില്‍ റെയില്‍വേ പൊലിസ് പിടികൂടി. ഇന്നലെ പുലര്‍ച്ചെ 5.30ഓടെ റെയില്‍വേ പൊലിസ് എസ്.ഐ ഷാജി പട്ടേരിയുടെ നേതൃത്വത്തില്‍ നടത്തിയ പരിശോധനയിലാണ് നിസാമുദ്ദീന്‍-എറണാകുളം മംഗള എക്‌സ്പ്രസിലെ ജനറല്‍ കംപാര്‍ട്ടുമെന്റില്‍ ബാഗില്‍ സൂക്ഷിച്ച 20,59,000 രൂപയുടെ കുഴല്‍പ്പണം പിടികൂടിയത്.
സംഭവവുമായി ബന്ധപ്പെട്ട് കര്‍ണാടക ഭട്കല്‍ സ്വദേശി അര്‍ബര്‍ മുഹമ്മദ് അഷ്‌സാഖിനെ (43) അറസ്റ്റ് ചെയ്തു. തിരൂരിലേക്കു കൊണ്ടുപോവുകയായിരുന്ന പണമാണെന്ന് ഇയാള്‍ റെയില്‍വേ പൊലിസിനു മൊഴി നല്‍കി.