ഊട്ടി: നീലഗിരിയില്‍ കര്‍ഷകരില്‍ നിന്നും ഫാക്ടറികളിലേക്ക് സംഭരിക്കുന്ന പച്ചത്തേയില കിലോക്ക് 15.87 രൂപയായി ടീ ബോഡ് വില നിര്‍ണയിച്ചു.
നീലഗിരി ജില്ലയിലെ കര്‍ഷകര്‍ ഉല്‍പ്പാദിപ്പിക്കുന്ന പച്ചത്തേയില കിലോക്ക് 30 രൂപ വെച്ച് നല്‍കണമെന്ന് നീണ്ട കാലമായി കര്‍ഷര്‍ ആവശ്യപ്പെട്ട് വരികയാണ്.  ഇതിനെ തുടര്‍ന്ന് കര്‍ഷകര്‍ കോടതിയെ സമീപിച്ചിരുന്നു. കോടതി വിധിയെ തുടര്‍ന്ന് ജില്ലാ കലക്ടറുടെ നേതൃത്വത്തില്‍ കര്‍ഷകര്‍ ഉള്‍പ്പടെയുള്ള വില നിര്‍ണയ കമ്മിറ്റി നിലവില്‍ വരികയും ചെയ്തിരുന്നു. തുടര്‍ന്ന് ഓരോ മാസവും മുന്‍കൂട്ടി തന്നെ വില നിര്‍ണയം ചെയ്യാന്‍ തീരുമാനവുമായി. ഇതിനെ തുടര്‍ന്ന് കര്‍ഷകര്‍ക്ക് ശരാശരി വില നല്‍കി വരുന്നു.
ഈ മാസം സംഭരിക്കുന്ന പച്ചത്തേയില കിലോക്ക് 15.87 തോതില്‍ വില നിര്‍ണയിച്ചു.
നീലഗിരി ജില്ലയില്‍ ഉല്‍പ്പാതിപ്പിക്കുന്ന പച്ചതേയിലക്ക് നിര്‍ണയം ചെയ്ത തുക എല്ലാ ഫാക്ടറികളും കര്‍ഷകര്‍ക്ക് വിതരണം ചെയ്യണം. അല്ലാത്ത ഫാക്ടറികളുടെ മേല്‍ നടപടി സ്വീകരിക്കുമെന്ന് ടീബോഡ് ഡെപ്യൂട്ടി ഡയറക്ടര്‍ ഭാല്‍ രാജ് അറിയിച്ചു.