എടച്ചേരി: സംസ്ഥാന ഭക്ഷ്യ സുരക്ഷാ വകുപ്പ് നടപ്പിലാക്കുന്ന 'സുരക്ഷിത ഭക്ഷണം ആരോഗ്യത്തിനാധാരം' പദ്ധതിയില്‍ എടച്ചേരി പഞ്ചായത്തിനെ ഉള്‍പ്പെടുത്തി. പദ്ധതിയുടെ ഭാഗമായി തിരഞ്ഞെടുക്കപ്പെട്ട ജില്ലയിലെ നാലു പഞ്ചായത്തില്‍ ഒന്നാണ് എടച്ചേരി പഞ്ചായത്ത്.
ഇതിനോടനുബന്ധിച്ച് പഞ്ചായത്തിലെ മുഴുവന്‍ ഭക്ഷ്യ ഉല്‍പാദന വിതരണക്കാര്‍ക്കും ഭക്ഷ്യ സുരക്ഷാ ലൈസന്‍സ് നല്‍കും. അങ്കണവാടി, കുടുംബശ്രീ, ഉച്ചക്കഞ്ഞി വിതരണത്തിനുള്ള സ്‌കൂളുകള്‍ എന്നിവിടങ്ങളില്‍ ഭക്ഷ്യ സുരക്ഷാ ബോധവല്‍ക്കരണ ക്ലാസ് സംഘടിപ്പിക്കും. ജല വിതരണത്തിന് മുന്‍പ് വിദഗ്ധ പരിശോധന എന്നിവ പദ്ധതിയുടെ ലക്ഷ്യമാണ്.
പദ്ധതി വിജയത്തിനായി വിവിധ കര്‍മ പരിപാടികളും തയാറാക്കിയിട്ടുണ്ടണ്ട്. ഇന്നു വൈകിട്ട് മൂന്നിനു കുടുംബശ്രീ, അങ്കണവാടി പ്രതിനിധികള്‍ക്ക് കമ്മ്യൂണിറ്റി ഹാളില്‍ ബോധവല്‍ക്കരണ ക്ലാസ് നടത്തും.