തിരുവനന്തപുരം: പ്രതിപക്ഷ നേതാവ് പിണറായി വിജയന്റെ വസതിയില്‍ റെയ്ഡ് നടത്തി മടങ്ങിയ എന്‍ഫോഴ്‌സ്‌മെന്റ് ഡയറക്ടറേറ്റ് (ഇ.ഡി) സംഘത്തെ ആക്രമിച്ച കേസില്‍ സ്‌പെഷല്‍ പ്രോസിക്യൂട്ടറെ നിയമിക്കാന്‍ തീരുമാനം. ഡയറക്ടര്‍ ജനറല്‍ ഓഫ് പ്രോസിക്യൂഷന്‍സ് അഡ്വ. ആസഫ് അലിയും തിരുവനന്തപുരം മ്യൂസിയം സ്റ്റേഷന്‍ എസ്.എച്ച്.ഒയും നടത്തിയ കൂടിക്കാഴ്ചയിലാണ് തീരുമാനം. അഡ്വ. എ സന്തോഷ് കുമാറിനെയാണ് സ്‌പെഷ്യല്‍ പ്രോസിക്യൂട്ടറായി നിയമിച്ചത്. 

കേസിലെ 9ാം പ്രതിക്ക് ജാമ്യം കിട്ടിയതിന് പിന്നില്‍ നടന്ന ഗൂഢാലോചനയെക്കുറിച്ച് വിശദമായ അന്വേഷണം നടത്താനും തീരുമാനമായിട്ടുണ്ട്.

പ്രോസിക്യൂഷന്‍ ഒത്തുകളിയെ തുടര്‍ന്ന് കേസിലെ ഒന്‍പതാം പ്രതി ഹരീഷ് കുമാറിന് കഴിഞ്ഞ ദിവസം കോടതി ജാമ്യം അനുവദിച്ചിരുന്നു. ജാമ്യത്തെ എതിര്‍ത്ത് പൊലിസ് നല്‍കിയ റിപ്പോര്‍ട്ട് അവഗണിച്ചാണ് പ്രോസിക്യൂട്ടര്‍ പ്രതിയുടെ കസ്റ്റഡി വേണ്ടെന്ന് വാദിച്ചതെന്നു പൊലിസ് കോടതിയെ അറിയിച്ചു.

26 പേരാണ് ഇ.ഡി ഉദ്യോഗസ്ഥരെ ആക്രമിച്ച കേസില്‍ ഇതുവരെ അറസ്റ്റിലായത്. ഇനിയും 20 പേര്‍ കൂടി അറസ്റ്റിലാകാനുണ്ട്. ഇവര്‍ ഒളിവിലാണെന്നാണ് വിവരം. ഇതില്‍ ഇ.ഡി ഉദ്യോഗസ്ഥരുടെ വാഹനം തകര്‍ത്ത കേസിലെ പ്രതികളും ഉള്‍പ്പെടുന്നു.

വിദേശത്തേക്ക് കടന്ന പ്രതിയെ കണ്ടെത്തുന്നതിനായി പൊലിസ് കഴിഞ്ഞ ദിവസം ലുക്കൗട്ട് നോട്ടിസ് പുറത്തിറക്കിയിരുന്നു.

A decision has been taken to appoint a Special Prosecutor in the case involving the alleged attack on Enforcement Directorate (ED) officials. The move is intended to strengthen the prosecution as legal proceedings continue. Authorities are expected to complete the appointment process and proceed with the case in accordance with the law.