കോട്ടയം: എരുമേലിയിൽ പാറമടക്കുളത്തിൽ കുളിക്കാനിറങ്ങിയ രണ്ട് വിദ്യാർഥികൾ മുങ്ങിമരിച്ചു. എരുമേലി കൊടിത്തോട്ടം സ്വദേശികളായ ആഷ്‌ലി (20), ആഷിർ (16) എന്നിവരാണ് മരിച്ചത്.

ഇന്ന് വൈകിട്ട് സുഹൃത്തുക്കൾക്കൊപ്പം കുളിക്കാനിറങ്ങിയപ്പോഴായിരുന്നു അപകടം. അഞ്ചംഗ സംഘമാണ് കുളത്തിലെത്തിയത്. ഇതിൽ നാലുപേർ ഒഴുക്കിലും കയത്തിലും പെട്ട് വെള്ളത്തിൽ താഴുകയായിരുന്നു. ഒപ്പമുണ്ടായിരുന്ന രണ്ടുപേരെ നാട്ടുകാരും രക്ഷാപ്രവർത്തകരും ചേർന്ന് രക്ഷപ്പെടുത്തി.

അപകടത്തിൽപ്പെട്ട ഉടൻ തന്നെ ഇരുവരെയും ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹങ്ങൾ നിലവിൽ മുക്കൂട്ടുതറയിലെ സ്വകാര്യ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. പൊലിസ് സംഭവസ്ഥലത്തെത്തി മേൽനടപടികൾ സ്വീകരിച്ചു.

two students drowned after they went for a bath in a quarry pond in kottayam. the incident happened while they were swimming with friends. though locals rushed to rescue them, their lives could not be saved.