മുംബൈ: മഹാരാഷ്ട്രയില്‍ പുതിയ 15 കൊവിഡ്- 19 കേസുകള്‍ കൂടി സ്ഥിരീകരിച്ചു. കഴിഞ്ഞ 24 മണിക്കൂറിനിടെയാണ് സ്ഥിരീകരണം. മുംബൈയില്‍ 14 കേസുകളും പൂനെയില്‍ ഒരു കേസുമാണ് സ്ഥിരീകിച്ചത്. ഇതോടെ സംസ്ഥാനത്ത് സ്ഥിരീകരിച്ച കേസുകള്‍ 89 ആയി. വൈറസ് ബാധയില്‍ രണ്ട് മരണമാണ് ഇവിടെ രജിസ്റ്റര്‍ ചെയ്തിട്ടുള്ളത്.

കടുത്ത നിയന്ത്രണങ്ങള്‍ക്കിടയിലും ലോകത്ത് വൈറസ് ബാധ കുത്തനെ ഉയരുകയാണ്.ഇന്ത്യയില്‍ 13 സംസ്ഥാനങ്ങളും ജില്ലകളും ഏതാണ്ട് അടച്ച നിലയിലാണ്. ജര്‍മനി രണ്ടാളുകളില്‍ അധികം കൂടി നില്‍ക്കുന്നത് നിരോധിച്ചിട്ടുണ്ട്. മിക്ക രാജ്യങ്ങളും അന്താരാഷ്ട്ര സര്‍വ്വീസുകള്‍ നിര്‍ത്തി വെച്ചിരിക്കുന്നു. ആഭ്യന്തര സര്‍വ്വീസുകള്‍ പോലും നിര്‍ത്തിയ രാജ്യങ്ങളുണ്ട്.