പേരാമ്പ്ര: ട്രാന്‍സ്‌ഫോര്‍മറില്‍ പൂച്ചകയറിയതിനെ തുടര്‍ന്നുണ്ടായ അമിത വൈദ്യുതപ്രവാഹത്തില്‍ വീടുകളിലെ ഉപകരണങ്ങള്‍ക്കു വ്യാപകമായ തകരാര്‍. ചക്കിട്ടപാറ ഗ്രാമപഞ്ചായത്തിലെ മുടിയന്‍ചാല്‍ മേഖലയില്‍ ഇന്നലെ രാവിലെ ആറു മണിയോടെയാണു സംഭവം. ടി.വി, ഫ്രിഡ്ജ്, ബള്‍ബുകള്‍, മൊബൈല്‍ ചാര്‍ജറുകള്‍ തുടങ്ങിയവ നശിച്ചു. കുഴുപ്പില്‍ ടോമി, മേയന മീത്തല്‍ ഷിജു, ചേരോലിക്കല്‍ ജോണ്‍, ഭഗവതിക്കണ്ടി ചന്ദ്രന്‍, മുണ്ടിയാംപറമ്പില്‍ വിജയന്‍, കല്ലിട്ട നടക്കല്‍ രവി, കുഴുപ്പില്‍ സേവ്യര്‍, മേയന മീത്തല്‍ ഷിജീഷ് എന്നിവരുടെ വീടുകളിലാണ് നഷ്ടം സംഭവിച്ചത്.
നാശം സംഭവിച്ചവര്‍ക്കെല്ലാം നഷ്ടപരിഹാരം നല്‍കണമെന്ന ആവശ്യമുയരുന്നുണ്ട്.