കൊച്ചി: മറൈന്‍ ഡ്രൈവില്‍ ശിവസേന നടത്തിയ അക്രമത്തില്‍ വ്യാപക പ്രതിഷേധം. ഇന്നലെ രാവിലെ മുതല്‍ മറൈന്‍ ഡ്രൈവ് പരിസരം വിവിധ രാഷ്ട്രീയ പാര്‍ട്ടികളുടെയും ഫേസ്ബുക്ക് കൂട്ടായ്മകളുടെയും നേതൃത്വത്തില്‍ പ്രതിഷേധ കൂട്ടായ്മകള്‍ സംഘടിപ്പിച്ചു. ഡി.വൈ.എഫ്.ഐ, എസ.്എഫ്.ഐ ജില്ലാ കമ്മിറ്റികള്‍ സംയുക്തമായി ഇരിപ്പുസമരം നടത്തി.
സി.പി.എം ജില്ലാസെക്രട്ടറി പി രാജീവിന്റെ നേതൃത്വത്തിലായിരുന്നു സമരം. പ്രവര്‍ത്തകര്‍ പാട്ടുപാടിയും കലാപരിപാടികള്‍ അവതരിപ്പിച്ചും മണിക്കൂറുകളോളം പ്രതിഷേധിച്ചു. കെ.എസ്.യു, യൂത്ത് കോണ്‍ഗ്രസ് ജില്ലാകമ്മിറ്റികളുടെ നേതൃത്വത്തിലും സമരം അരങ്ങേറി. ഡി.സി.സി അധ്യക്ഷന്‍ ടി.ജെ വിനോദ് നേതൃത്വം നല്‍കി.
ചുംബന സമരത്തിനെതിരേയും ശിവസേന ആക്രമണത്തിനെതിരേയും യുവമോര്‍ച്ചയുടെ നേതൃത്വത്തിലും സമരം അരങ്ങേറി.
കിസ് ഓഫ് ലവ് പ്രവര്‍ത്തകരും പ്രതിഷേധം സംഘടിപ്പിച്ചു. വന്‍ പൊലിസ് സന്നാഹം എത്തിയിരുന്നു.