കണ്ണൂര്‍: കണ്ണൂര്‍ സര്‍വകലാശാല വിദൂരവിദ്യാഭ്യാസ രജിസ്ട്രാര്‍ വിജയന്‍ അടുക്കാടന്‍ ഇന്ന് വിരമിക്കും. കണ്ണൂര്‍ യൂനിവേഴ്‌സിറ്റി എംപ്ലോയിസ് യുനിയന്‍ ജനറല്‍ സെക്രട്ടറി, കോണ്‍ഫെഡറേഷന്‍ ഓഫ് യൂനിവേഴ്‌സിറ്റി എംപ്ലോയിസ് ഓര്‍ഗനൈസേഷന്‍ കേരള സെക്രട്ടറി എന്നീ നിലകളില്‍ പ്രവര്‍ത്തിച്ചു. 1995ല്‍ കാലിക്കറ്റ് സര്‍വകലാശാലയില്‍ അസിസ്റ്റന്റായി ജോലിയില്‍ പ്രവേശിച്ചു. 2000ലാണ് ഓപ്ഷന്‍ മുഖേന കണ്ണൂര്‍ സര്‍വകലാശാലയില്‍ എത്തുന്നത്. പു.ക.സ മലപ്പുറം ജില്ലാ കമ്മിറ്റി അംഗമായിരുന്നു. രണ്ടുവര്‍ഷം പെരിങ്ങോം ഗവ. ഹയര്‍ സെക്കന്‍ഡറി സ്‌കൂളില്‍ അധ്യാപകനായി. സര്‍വകലാശാല അനധ്യാപക തസ്തികകള്‍ ഏകീകരിക്കുന്നതിനുള്ള സര്‍ക്കാര്‍ വിദഗ്ദസമിതിയില്‍ കണ്ണൂര്‍ സര്‍വകലാശാല നോമിനിയാണ്.