പാലക്കാട്: എസ്.വൈ.എസ് പാലക്കാട് മണ്ഡലം കമ്മിറ്റി സംഘടിപ്പിക്കുന്ന റമദാന്‍ പ്രഭാഷണത്തിന് തുടക്കമായി. പുതുപ്പള്ളിത്തെരുവ് ഹിദായത്തുല്‍ ഇസ്‌ലാം മദ്‌റസയില്‍ നടക്കുന്ന പരിപാടി എസ്.വൈ.എസ് ജില്ലാ പ്രസിഡന്റ്് പി.കെ ഇമ്പിച്ചിക്കോയ തങ്ങള്‍ ഉദ്ഘാടനം ചെയ്തു.
ജന്നത്തുല്‍ ഉലൂം അറബിക് കോളജ് പ്രൊഫസര്‍ സൈനുദ്ദീന്‍ മന്നാനി അദ്ധ്യക്ഷനായി. അന്‍വര്‍ സാദിഖ് ഫൈസി കാഞ്ഞിരപ്പുഴ മുഖ്യ പ്രഭാഷണം നടത്തി. ഇന്ന് രാവിലെ 9.30 ന് എസ്.വൈ.എസ് ജില്ലാ സെക്രട്ടറി ടി.കെ മുഹമ്മദ്കുട്ടി ഫൈസി ഉദ്ഘാടനം ചെയ്യും.
മൊയ്തീന്‍കുട്ടി ദാരിമി പെരിന്തല്‍മണ്ണ മുഖ്യ പ്രഭാഷണം നടത്തും. സമാപന ദിവസമായ വ്യാഴാഴ്ച്ച ബാദുഷ അന്‍വരി പരിപാടി ഉദ്ഘാടനം ചെയ്യും. സൈനുദ്ദീന്‍ മന്നാനി മുഖ്യ പ്രഭാഷണം നടത്തും. ജന്നത്തുല്‍ ഉലൂം അറബിക് കോളജ് പ്രിന്‍സിപ്പള്‍ ഹുസൈന്‍ മന്നാനി ദുആ സമ്മേളനത്തിന് നേതൃത്വം നല്‍കും.വിവിധ പണ്ഡിതന്‍മാരും സംബംന്ധിക്കും.