പാലക്കാട്: അന്തര്‍ദേശീയ യോഗ ദിനാഘോഷം നെഹ്‌റു യുവ കേന്ദ്രയുടെയും ജില്ലാ ഭരണ കൂടത്തിന്റെയും ആഭിമുഖ്യത്തില്‍ വിവിധ യോഗ സംഘടനകളുടെ സഹകരണത്തോടെ സംഘടിപ്പിച്ചു. രാവിലെ 6.30ന് ഇന്‍ഡോര്‍ സ്റ്റേഡിയത്തില്‍ ജില്ലാ പൊലിസ് മേധാവി ഡോ: എ ശ്രീനിവാസ് ഭദ്ര ദീപം കൊളുത്തി ഉദ്ഘാടനം ചെയ്തു.
തുടര്‍ന്ന് നടന്ന പൊതുസമ്മേളനം എം.ബി രാജേഷ് എം.പി ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് അഡ്വ.കെ ശാന്തകുമാരി, എ.ഡി.എം ഡോ: ജെ.ഒ അരുണ്‍, മുന്‍സിപ്പല്‍ ചെയര്‍പേഴ്‌സണ്‍ പ്രമീള ശശിധരന്‍, വൈസ് ചെയര്‍മാന്‍ സി കൃഷ്ണകുമാര്‍, നെഹ്‌റു യുവ കേന്ദ്ര ജില്ല യൂത്ത് കോ-ഓര്‍ഡിനേറ്റര്‍ എം അനില്‍കുമാര്‍, പ്രൊഫ. എം രാജേന്ദ്രന്‍ എന്നിവര്‍ സംസാരിച്ചു. ഡി.വൈ.എസ്.പി.മാരായ മുഹമ്മദ് കാസിം, സുനില്‍, സ്‌പോര്‍ട്‌സ് കൗണ്‍സില്‍ പ്രസിഡന്റ് സി ഹരിദാസ് തുടങ്ങിയവര്‍ പങ്കെടുത്തു.
ജനമൈത്രി പൊലിസ്, സ്‌പോര്‍ട്‌സ് കൗണ്‍സില്‍, പാലക്കാട് യോഗ അസോസിയേഷന്‍ പതജ്ഞലി യോഗ സമിതി, ബ്രഹ്മകുമാരീസ്, ഇഷായോഗ, ആര്‍ട് ഓഫ് ലിവിംഗ്, ജെ.എസ്,എസ് നാച്ച്യുറോപ്പതി ആന്‍ഡ് യോഗ, പാലക്കാട് മെഡിക്കല്‍ കോളജ്, രാപ്പാടി ഹെല്‍ത്ത് ക്ലബ്, ഫോര്‍ട്ട് വാക്കേഴ്‌സ് ക്ലബ്ബ്, ഇനിഗ്മ , സ്റ്റുഡന്‍സ് പൊലിസ്, വികാസ് വിക്‌ടോറിയ, ക്രീഡാ ഭാരതി, റെഡ്‌ക്രോസ് സൊസൈറ്റി, കേരള കായിക വേദി, ആരോഗ്യ ഭാരതി, വിവേകാനന്ദ ദാര്‍ശനിക സമാജം, ഭാരതീയ വിദ്യാനികേതന്‍ എന്നിവരുടെ സഹകരണത്തോടെയാണ് പരിപാടി സംഘടിപ്പിച്ചത്.