കോഡൂര്‍:ഗ്രാമപഞ്ചായത്തിന്റെയും പ്രാഥമികാരോഗ്യ കേന്ദ്രത്തിന്റെയും സംയുക്താഭിമുഖ്യത്തില്‍ ചേര്‍ന്ന സര്‍വ്വകക്ഷിയോഗം ഡിഫ്ത്തീരിയ പ്രതിരോധ പ്രവര്‍ത്തനങ്ങള്‍ ഊര്‍ജ്ജിതപ്പെടുത്താന്‍ തീരുമാനിച്ചു.
പ്രതിരോധ കുത്തിവെപ്പുകളില്‍ നിന്നും വിട്ട് നല്‍കുന്ന കുടുംബങ്ങളില്‍ ഗൃഹ സന്ദര്‍ശനത്തിലൂടെ ബോധവല്‍ക്കരണം, മതാധ്യാപകരുടെ സംഗമം, സ്‌കൂള്‍ എം.ടി.എ., പി.ടി.എ. സംഗമങ്ങളില്‍ ബോധവല്‍ക്കരണ ക്ലാസ്സ് എന്നിവ നടത്തുന്നതിന് തീരുമാനിച്ചു.
ഗ്രാമസന്ദര്‍ശനത്തിന്റെ പഞ്ചായത്ത് തല ഉദ്ഘാടനം പാലക്കലില്‍ നടത്തും. ഗ്രാമസന്ദശനങ്ങളില്‍ ജനപ്രതിനിധികള്‍, പൊതു പ്രവര്‍ത്തകര്‍, ആരോഗ്യകുടുംബ ക്ഷേമ വകുപ്പുകളിലെ ജീവനക്കാര്‍ തുടങ്ങിയവര്‍ പങ്കാളികാളാകും.
സര്‍വ്വകക്ഷിയോഗം ഗ്രാമപഞ്ചായത്ത് പ്രസിഡന്റ് സി.പി. ഷാജി ഉദ്ഘാടനം ചെയ്തു. ആരോഗ്യവിദ്യാഭ്യാസ സ്ഥിരസമിതി ചെയര്‍മാന്‍ കെ.എം. സുബൈര്‍ അധ്യക്ഷത വഹിച്ചു. മെഡിക്കല്‍ ഓഫീസര്‍ ഡോ. ഷംസുദ്ദീന്‍ പുലാക്കല്‍ പദ്ധതി വിശദീകരിച്ചു.
വികസന സ്ഥിരസമിതി ചെയര്‍മാന്‍ എം.ടി. ബഷീര്‍, ക്ഷേമകാര്യ സ്ഥിരസമിതി ചെയര്‍പെഴ്‌സന്‍ സജ്‌ന ആമിയന്‍, ഹെല്‍ത്ത് ഇന്‍സ്‌പെക്ടര്‍മാരായ കൃഷ്ണന്‍ കാരാങ്ങര, സി. ഹബീബ് റഹ്മാന്‍, പി. മുഹമ്മദ് റഫീഖ്, ഐ.സി.ഡി.എസ്. സൂപ്പര്‍വൈസര്‍ നഷീദ തുടങ്ങയവര്‍ സംസാരിച്ചു.