യാങ്കോന്‍: വടക്കന്‍ മ്യാന്മറില്‍ രത്‌നക്കല്ല് ഖനിയിലുണ്ടായ മണ്ണിടിച്ചിലില്‍ 17 പേര്‍ കൊല്ലപ്പെട്ടു. നിരവധി പേര്‍ക്കു പരുക്കേല്‍ക്കുകയും ചെയ്തിട്ടുണ്ട്. മ്യാന്മറിലെ കാച്ചിന്‍ സംസ്ഥാനത്ത് വാക്ക് ഖാറില്‍ ഇന്നലെ പുലര്‍ച്ചെയാണു സംഭവം. ഖനിയില്‍ പ്രവര്‍ത്തനം നടക്കുന്നതിനിടെ അവശിഷ്ടങ്ങള്‍ ശേഖരിച്ച കുന്നിടിഞ്ഞാണ് അപകടമുണ്ടായത്. നിരവധി പേരെ കാണാതായതായും റിപ്പോര്‍ട്ടുണ്ട്.
ലോകത്തെ തന്നെ ഏറ്റവും വലിയ രത്‌നക്കല്ല് ഖനനം നടക്കുന്ന പ്രദേശത്താണ് അപകടമുണ്ടായത്. മ്യാന്മറിലെ പ്രധാന നഗരമായ യാങ്കോനില്‍നിന്ന് 950 കി.മീറ്റര്‍ ദൂരത്തുള്ള എച്ച്പാകന്റ് ആണ് രത്‌നവ്യവസായത്തിന്റെ കേന്ദ്രം.